Sportshy Kanadanyń Monreal qalasynda ótken UFC 315 týrnırinde óner kórsetti. Onyń jeńil salmaqtaǵy (61,2 kıllogramǵa deıin) qarsylasy kanadalyq Bred Katon boldy.
Jekpe-jek úsh raýndqa josparlanǵanymen, merziminen buryn aıaqtaldy. Jekpe-jek bastalǵan sátten-aq qazaqstandyq sportshy qarsylasynyń basynan dál tıip, apperkot jasady. Katon qulap túsip, Almahannyń bul soqqysynan keıin tóreshi jekpe-jekti toqtatty.
Osylaısha, jekpe-jektiń ekinshi mınýtynyń basynda 27 jastaǵy Almahan qarsylasyn tehnıkalyq nokaýtqa túsirip, UFC-degi alǵashqy jeńisine qol jetkizdi.
Onyń promoýshendegi debıýttik jekpe-jegi byltyr naýryzda ótken bolatyn. Ol kezde tóreshilerdiń biraýyzdan qabyldaǵan sheshimimen qazaqstandyq sportshy reseılik Ýmar Nýrmagomedovten jeńilis tapqan edi.
Almahan kásipqoı MMA-de barlyǵy 12 jekpe-jekte jeńiske jetip, eki ret jeńilgen.
Katon bolsa, mansabynda alǵash ret nokaýtpen jeńiliske ushyrady. 33 jastaǵy kanadalyqtyń enshisinde búginde 14 jeńis pen bes jeńilis bar. Aıta keteıik, Katon — The Ultimate Fighter shoýynda eki ret chempıony atanǵan tarıhtaǵy jalǵyz boksshy.
