«Almatydaǵy «Astana balet» teatrynyń gastroldik qoıylymdary mamyr aıynyń 10-18 aralyǵynda «Almaty Theatre sahnasynda ótedi. Bul qaladaǵy úlken mádenı jańalyq bolǵaly tur. Baǵdarlamada – premeralar, áıgili qoıylymdar, álemge tanymal óner juldyzy Erjan Qulybaevtyń ózi qatysatyn sımfonııalyq mýzyka keshi men qazaq mádenıeti týraly eldi eleń etkizer spektakl da qoıylmaq.
«Almaty – biz jylda attanatyn eń birinshi qala. Biz súıikti qalamyzǵa jyl saıyn kelip turamyz. Odan keıin Tarazda, Aqtóbede, Taldyqorǵan, Pavlodar men Túrkistanda boldyq. Shetelge de shyǵyp turamyz. Sońǵy jyldary Jenevada, Tbılısıde, Afına men Antalııada da óner kórsete bastadyq. Sonymen birge, bizdiń top kishigirim qurammen Parıjde, Delı men Mýmbaıda da óner kórsetip qaıtty», deıdi Valerıı Kúzembaev.
Gastroldik sapar mamyr aıynyń 10-11 kúni ónerdi modernmen, teatr dramatızmimen ushtastyrǵan Kırıl Radeevtiń horeografııasyndaǵy «Blind Forgiveness» deıtin qoıylymymen ashylady. Arsenıı Smırnovtyń mýzykasynyń demeýimen, onda jan-dúnıeńdegi arpalyspen kúresý, keshire bilý sııaqty ǵıbartty áńgime aıtylmaq.
«Bizdiń teatrdyń erekshe shyǵarmashylyq statýsy bar. О́zimizdi eshqandaı akademııalyq sheńbermen shektegen emespiz. Repertýarymyzda ártúrli shyǵarma bar. Sońǵy jyldary qazirgi horeografııanyń shedevri sanalatyn talaı dúnıeni sahnalap úlgerdik. Keshe, arǵy kúnderi ótken qazirgi rok-balet «Blind Forgiveness»-ti Almatyǵa ákelgenimiz de sodan. Almatylyqtar óte jaqsy qabyldady», dedi Valerıı Kúzembaev.
Mamyrdyń 13 kúni kórermender – qazirgi zamannyń eń áıgili skrıpka sheberleriniń biri Erjan Qulybaevtyń sımfonııalyq orkestrimen qaýyshady. «Jyl maýsymyndaǵy» Antonıo Vıaldıdyń klassıkasy men argentınalyq maestro Astor Pıassollanyń sıklyn oryndaıdy onda. Erjan Qulybaev zamandastaryna aty máshhúr solıst, Washington Award premııasynyń laýreaty, halyqaralyq baıqaýlardyń jeńimpazy, álemniń eń úzdik sahnalarynda óner kórsetip, elimizdiń atyn shyǵaryp júrgen jerlesimiz.
«Almatyǵa gastroldik saparmen barý – úlken jaýapkershilik. Almatylyq kórermenniń talǵamy qandaı ekenin bilemiz. Sondyqtan osynda kelerde, biz baǵdarlamany qyzyqty etip daıarlaýǵa tyrysamyz. Erjan Qulybaev qatysatyn sımfonııalyq orkestrdiń baǵdarlamasyna kelsek, Erjan búkil álem biletin daryndy skrıpka sheberi. Ol óte qyzyqty baǵdarlama alyp keldi osy joly. Onda Pıassollanyń da, Vıvaldıdyń da mýzykasy bar. Kórermen jalyqpas dep oılaımyn», dedi «Astana Balet» teatrynyń kórkemdik jetekshisi Nurlan Qanetov.
Sonymen Elorda artısteri mamyr aıynyń 15-16 aralyǵynda, teatr Iýrııa Grıgorovıchtiń horeografııasyndaǵy «Mahabbat týraly ańyz» deıtin atyshýly qoıylymyn usynbaq. Arpalysqan sezim men tereń oıdan turatyn bul spektakl balet ónerin jańa satyǵa kótergen. Nazym Hıkmettiń pálsapalyq pesasyn negizgi alǵan spektakldyń mýzykasyn Arıf Melıkov jazyp, vızýaldyq estetıka jaǵyn Sımon Vırsaladze óńdep shyǵypty.
Horeografııa ónerimen qazaq mádenıetin nasıhattap júrgen Qazaqstannyń óner qaıratkeri Aıgúl Tátıdiń «Uly Dalanyń murasy» degen qoıylymy mamyrdyń 18 kúni osy gastroldik sapardyń sońǵy núktesin qoıady. Etnografııalyq obrazdar, qazaqtyń biregeı mádenıeti men balet óneriniń erekshe qoltańbasy ushtasqan osy spektakl «Astana balet» teatrynyń eń úzdik ónimi sanalady.
QR Mádenıet jáne Aqparat mınıstrliginiń qoldaýymen ótetin bul gastrol ónerdi qadir tutatyndarǵa, ultymyzdyń balet ónerin baǵalaıtyndarǵa tosyn syı bolmaq.
