Uıymdastyrýshylar atap ótkendeı, baıqaýdyń negizgi maqsaty – shekara mańyndaǵy aýmaqtardyń ómiri men erekshelikterine nazar aýdarý, osy óńirlerde turatyn balalardyń jeke áńgimeleri arqyly olardyń el úshin mańyzdylyǵyn kórsetý, sondaı-aq balalar boıynda shekarashy mamandyǵyna degen qurmet pen patrıotızm sezimin oıatý.
Baıqaýǵa 14 mektep oqýshysy qatyspaq. Olardyń ata-analary áskerı saladan tys azamattyq sektorda jumys isteıdi. Balalar baıqaý tapsyrmasy boıynsha «Shekarashylar balalarǵa ne úıretedi?» taqyrybynda beınerolıkter ázirlep, týǵan ólkesiniń tabıǵı erekshelikteri, sondaı-aq shekarany kúzetý arqyly Otandy qorǵaýǵa qalaı kómektesetini týraly áńgimeleıdi.
Memleket basshysy Ulttyq quryltaıdyń IV otyrysynda aıtqandaı, aýyldyq aımaqtardy damytý tujyrymdamasynda shekara mańyndaǵy aýdandarǵa qatysty jumystyń negizgi basymdyqtary aıqyndalǵan. Shekaralas eldi mekenderdegi jaǵdaı memlekettiń qaýipsizdigine tikeleı áser etedi jáne strategııalyq mańyzy bar.
Usynylǵan baıqaý beınerolıkteri UQK Shekara qyzmetiniń paraqshasynda jarııalanyp, jeńimpazdar anyqtalady. Balalardy qorǵaý kúni qarsańynda shekarashylardyń jas dostary saltanatty túrde marapat alý úshin elordaǵa shaqyrylmaq.
