Qol jetkizer maqsatymyz joǵary

Elbasymyzdyń Qazaqstannyń «Nurly Jol» Jańa Ekonomıkalyq Saıasaty aıqyndalǵan halyqqa Joldaýy búkil halqymyz tarapynan qoldaý taýyp, talqylanyp jatyr. Prezıdent Nursultan Ábishuly osy Joldaýda negizgi-negizgi dep úlken bes baǵytty atap ótti. Birinshi – sha­ǵyn jáne orta bıznes, ekinshi – bank sektoryn saýyqtyrý, úshinshi – jańa ınvestısııalar tartý, tórtinshi – EKSPO- 2017 kesheni qurylysy, be­sinshi – Astananyń kóliktik ın­fra­­qu­rylymyn damytý. Joldaý jol­darynan kórip otyrǵanymyzdaı, bes baǵyttyń alǵashqysy bolyp shaǵyn jáne orta bıznes atalyp otyr. Ol beker emes. «О́tken jyly, – dedi Elbasy – 4,5 myń jumys orny ashyldy. Bólingen 100 mıllıard teńge tolyqtaı ıgerildi. Bıznesti 10 jylǵa bar-joǵy 6 paıyzben nesıeleýdiń sharty jasaldy». Bizdiń aýyl okrýginde de shaǵyn jáne orta bızneske kóńil aýdaryp, jańa jumys ornyn ashýshylardyń qarasynyń kóbeıip otyrǵandyǵy qýantady. Jáne olar tek bir baǵytta ǵana emes, ár salany qamtyp otyr. Elimizde týrızmdi damytý jónin­de aýqymdy jobalardyń júrip jat­qany belgili. Oǵan bizdiń aýyldyń da adamdary óz úlesterin qospaq. Ala­kóldiń jaǵasynan kelýshilerge qyz­met kórsetý úshin tórt adam shaǵyn nesıe aldy, endi kóktemnen bastap osy jumysty bastamaq. Úsh adam bal arasy sharýashylyǵyn óristetýge bel baılap otyr. Iri qara, usaq mal ósirý úshin de nesıe alǵandar az emes. Tigin sehyn, kirpish zaýytyn ashqandar da bar. Jolaýshy tasymaldaýmen aınalysatyndar tabyldy. Aýylymyzda kez kelgen ólshemde, kóp mólsherde plastık esik-tereze shyǵarýshy da paıda boldy. Jıhaz ja­saý­shylardyń sehtary buryn da bar bo­latyn. Qazir sonyń qataryna Erlan Baı­botanov ta qosyldy. Orta jáne shaǵyn bız­nesti qoldaý qajettigi Elbasynyń bu­dan burynǵy joldaýlarynda aıtylsa, bıyl­ǵy Joldaýynda da kórinis taýyp otyr. Bıznes jumys istep ómirge jol tart­­sa, ol – jańa jumys ornynyń ashylýy. Bıýdjet qorjynyna qosymsha sa­­lyq túsirýge kómek. Jumysy bar adam­nyń eshnársege jaltaqtamaıtyny da shyndyq. Qazirden bastap qolǵa alynyp jat­qan ister qaýyrt iske asyp, nátıjesin kórýge de múmkindik týa­dy. Joldaýda shaǵyn jáne orta bız­nesti qoldaý úshin 100 mıllıard teńge bólinedi dep atap kórsetildi. Endeshe, bıylǵy jyly da «Jumys­pen qamtý-2020» baǵdarla­ma­sy men jol kartasy aýyldaǵy óziniń bıznesin ashamyn degen adamdarǵa jaqsy jaǵdaı týǵyzatyny kúmánsiz. Sovetqan QALIEV, Maqanshy aýyl okrýginiń ákimi. Shyǵys Qazaqstan oblysy, Úrjar aýdany.