Foto: ashyq derekkóz
Jas áıel ortalyqqa entigý men aýa jetispeýshiligine shaǵymdanyp túsken. Ehokardıografııa zertteýiniń nátıjesinde dárigerler sol jaq júrekshede kólemi 6×4 santımetr bolatyn mıksoma baryn anyqtaǵan. Bul júrekishilik qanaınalymǵa kedergi keltirip, ómirge naqty qaýip tóndirgen.
Kardıohırýrgtar dereý operasııa jasap, isikti tolyqtaı alyp tastady. Hırýrgııalyq aralasýdan keıin júrek jumysy qalypqa keltirilip, kelesi kúni-aq pasıent ózdiginen júrip-tura bastady. Jaǵdaıy jaqsarǵan naýqas kóp uzamaı úıine shyǵaryldy.
«Mundaı kúrdeli jaǵdaılar der kezinde júrgizilgen dıagnostıka men kásibı medısınalyq kómektiń sheshýshi ról atqaratynyn kórsetedi. Jas áıel ómirdiń ekinshi múmkindigine ıe boldy. Bul — dárigerler úshin úlken marapat», dep málimdedi kardıologııalyq ortalyqtyń mamandary.
Mamandar júrek aýrýlarynyń belgilerin der kezinde baıqap, bilikti dárigerge júginýdiń ómirdi saqtap qalýdaǵy mańyzyn eske salyp otyr. Almaty kardıohırýrgtary kórsetken joǵary kásibı sheberlik taǵy bir adam ómirin aman saqtap qalýǵa múmkindik berdi.
