Foto: Ashyq derekkóz
Abylaı Myrzahmetov Pavlodar oblysyndaǵy 46-qylmystyq-túzeý mekemesinde jazasyn ótep jatyr. Jaqynda Bas prokýratýra osy mekemede túsirilgen vıdeony jarııalaǵan bolatyn. Beınejazbada túzeý mekemesinde bıg-beg qaptaryn óndiretin shaǵyn óndiris iske qosylǵany kórsetilgen. Qajetti jabdyqtar men jumys oryndaryn kásipkerler qamtamasyz etken.
Bas prokýratýranyń málimetinshe, eńbekpen tárbıeleý saıasaty aıasynda kóp sottalǵandar jumysqa ornalasyp jatyr. Abylaı Myrzahmetov te osy bastamanyń bel ortasynda júr. Ol óz qarajatyna birneshe tigin mashınasyn satyp alyp, basqa sottalǵandarmen birge qap tigý isimen aınalysyp jatyr. Eńbekaqysynan bólek, syıaqy jáne bonýs júıesi de qarastyrylǵan.
Eske salaıyq, Abylaı Myrzahmetov asa iri kólemde alaıaqtyq jasady jáne kásipkerdi týysyn qylmystyq jaýapkershilikten bosatý úshin para berýge ıtermeledi degen kúdikpen ustalyp, 2024 jyldyń mamyrynda 5 jylǵa bas bostandyǵynan aıyrylǵan bolatyn.
Bıyl qańtarda ol qalǵan jazasyn bostandyqty shekteý túrindegi jazaǵa aýystyrýdy surap, sotqa ótinish bildirgen. Alaıda sot bul ótinishti qanaǵattandyrmady. Sebebi, jazasyn óteý barysynda onyń tek bir ret qana yntalandyrylǵany jáne bul onyń negizgi mindeti ekeni aıtylǵan.
