«Mereıli otbasy» baıqaýy - adamgershilik qasıetterdi jandandyrýǵa, otbasy mártebesi men qundylyqtaryn arttyrýǵa baǵyttalǵan.
Eńbek pen sportta, shyǵarmashylyq jáne zııatkerlik salalarda, ǵylym men ónerde jetistikteri bar otbasylar, sondaı-aq qoǵamdyq paıdaly qyzmetke belsendi aralasatyn otbasylar qatysa alady.
Konkýrsqa qatysýǵa ótinimder 15 mamyrdan 15 maýsymǵa deıin óńirlik komıssııalarda qabyldanady.
Baıqaý eki kezeńde ótedi:
- Aýdandyq (qalalyq) kezeń (15 maýsymnan 30 maýsymǵa deıin).
- Oblystyq (respýblıkalyq mańyzy bar qalalar men astana) kezeń (30 maýsymnan 15 shildege deıin).
«Mereıli otbasy» ulttyq konkýrsynyń laýreaty ataǵy Qazaqstannyń barlyq óńirlerinen úzdik dep tanylǵan 20 otbasyǵa beriledi. Konkýrs laýreattaryn saltanatty marapattaý rásimi Astana qalasynda ótedi.
Aıta keteıik, osy jyldar ishinde konkýrsqa Qazaqstannyń barlyq óńirlerinen 20 myńnan astam otbasy qatysty. Bıyl qatysýǵa nıet bildirgender óz ótinimderin óńirlik komıssııalarǵa jibere alady.
