Kezdesýler barysynda vedomstvo engizgen sıfrlyq sheshimderdi qoldaný esebinen áleýmettik-eńbek salasyndaǵy memlekettik qoldaý sharalarynyń tıimdiligi men ataýlylyǵyn arttyrýdyń túıindi máseleleri talqylandy.
Oblys ákimimen kezdesý barysynda Memleket basshysynyń halyqty jumyspen qamtý jáne áleýmettik qoldaý, kásiporyndardaǵy eńbek qaýipsizdigi jáne eńbekti qorǵaý, ómir súrý sapasyn arttyrý jáne múgedektigi bar adamdar úshin kedergisiz orta qurý jónindegi tapsyrmalaryn iske asyrý máselelerine erekshe nazar aýdaryldy.
Aktıvpen ótken keńeste Svetlana Jaqypova Eńbek mınıstrligi engizgen sıfrlyq quraldardyń múmkindikterin kórsetti. Atap aıtqanda, ol memlekettik ınvestısııalardyń tıimdiligin arttyrýǵa jáne sapaly josparlaýǵa arnalǵan jobalardyń ınnovasııalyq navıgatory týraly egjeı-tegjeıli aıtyp berdi. Júıe kadrlarǵa degen qajettilikti boljaýǵa, ınvestısııalar kólemi, jobalardy iske asyrý kezeńderi jáne jumys oryndaryn qurý boıynsha naqty kórsetkishter týraly aqparat alýǵa múmkindik beredi.
«Osylaısha, biz óńirlerge óz jobalaryn iske asyrýǵa jáne halyqty nátıjeli jumyspen qamtýdy qamtamasyz etýge kómek kórsetkimiz keledi», dep atap ótti mınıstr.
Otbasynyń sıfrlyq kartasy memlekettik organdarǵa memlekettik qoldaýǵa muqtaj qazaqstandyqtardy anyqtaýǵa jáne qajetti sharalardy jedel qabyldaýǵa, áleýmettik saıasattyń orta jáne uzaq merzimdi mindetteri men baǵyttaryn aıqyndaýǵa múmkindik beredi. Sondaı-aq, OSK azamattardyń áleýmettik mártebesine baılanysty kepildendirilgen memlekettik qoldaýdyń qandaı da bir túrin alýǵa quqyly ekendigi týraly kúndelikti «elektrondyq habarlama» bolyp tabylady. Qazirgi ýaqytta Otbasynyń sıfrlyq kartasy qazaqstandyqtarǵa qandaı da bir ótinishtersiz járdemaqylar men áleýmettik tólemderdiń 11 túrin resimdeýge múmkindik beredi.
QR Eńbek jáne halyqty áleýmettik qorǵaý mınıstri jumys barysynda Jezqazǵan qalasyndaǵy Qarttar úıiniń tynys-tirshiligimen tanysty. Qaladaǵy Mansap ortalyǵynda bolyp, qyzmetkerlerdiń jumysymen tanysyp, BAQ -tyń qoıǵan saýaldaryna jaýap berdi.
Osydan keıin QR Eńbek jáne halyqty áleýmettik qorǵaý mınıstri
S. Jaqypova regressshi kenshilermen kezdesý ótkizdi. Eńbek mınıstrliginiń basshysy qaýipsiz eńbek jaǵdaılaryn qamtamasyz etý jáne zııandy óndiriste jumys isteıtin qazaqstandyqtardy áleýmettik qorǵaý deńgeıin arttyrý boıynsha vedomstvo qabyldap jatqan sharalar týraly baıandady.
Mınıstr sońǵy jyldary óndiristik jaraqattaný deńgeıiniń jáne kásibı eńbek etý qabiletinen aıyrylǵan jumyskerler sanynyń tómendeý serpini bar ekenin atap ótti.
Sonymen birge zııandy eńbek jaǵdaılarynda, ásirese ónerkásipte jáne óndirýshi sektorda jumyspen qamtýdyń joǵary deńgeıi saqtalýda. Bul profılaktıkaǵa da, jumysshylardyń áleýmettik qorǵalýyn kúsheıtýge de baǵyttalǵan keshendi sheshimderdi qajet etedi.
«Sondyqtan biz baqylaý ǵana emes, aldyn alý, tólemderdegi ádilettilik, ótemaqylardyń qoljetimdiligi jáne jumys berýshilerdi qaýipsizdikke ınvestısııalaýǵa yntalandyrý mańyzdy bolatyn júıeni qurýdamyz. Problemalardy aıtyp qana qoımaı, jaǵdaıdy shynymen de ózgertý úshin biz jumyskerlerdiń densaýlyǵy men quqyqtaryn qorǵaýdyń jańa tásilderin dáıekti túrde engizip otyrmyz», dedi mınıstr.
Erteńgi kúni Eńbek jáne halyqty áleýmettik qorǵaý mınıstri iri kásiporyndar men áleýmettik mańyzy bar obektilerdiń jumysymen tanysady. Sondaı-aq Memlekettik eńbek ınspeksııasy komıtetiniń jáne Halyqty áleýmettik qorǵaý salasyndaǵy retteý jáne baqylaý komıtetiniń aýmaqtyq departamentteriniń qyzmetkerlerimen jumys keńesterin ótkizedi.
