10 mamyr kúni saǵat 15:15 shamasynda Jetisý oblysy Kerbulaq aýdanyna qarasty Kóksý aýylynyń mańynda 1989 jyly týǵan azamatty izdestirý jumystary bastalǵan. Ol shamamen saǵat 14:00-de temir arqan arqyly ózennen ótpek bolǵan kezinde Kóksý ózenine qulap, aǵys alyp ketken.
11 mamyr kúni tańǵy saǵat 06:30-dan bastap aýqymdy izdestirý jumystary uıymdastyryldy. Oǵan TJD qyzmetkerleri, orman sharýashylyǵy, jergilikti atqarýshy organdar, polısııa, áskerı polısııa jáne Qorǵanys mınıstrliginiń bólimsheleri jumyldyryldy. Barlyǵy 98 adam jáne 22 birlik tehnıka, sonyń ishinde júzý quraldary, drondar men spýtnıktik baılanys tartyldy.
Búgin Kerbulaq aýdanynda joǵalǵan áskerı qyzmetkerdi izdeý jumystary aıaqtaldy.15 mamyr kúni Jetisý oblysy Kerbulaq aýdanynda, oqıǵa bolǵan jerden 15 shaqyrym tómen qaraı Kóksý ózeninen TJD-nyń Operatıvti-qutqarý jasaǵynyń qutqarýshylary er adamnyń denesin sýdan taýyp, jaǵaǵa shyǵardy. Tabylǵan kezde ústinde kıimniń bir bóligi bolǵan. Marqumnyń denesi polısııa qyzmetkerlerine tabystalyp, sot-medısınalyq saraptama taǵaıyndaldy.
Izdeý-qutqarý jumystary birneshe kún boıy tabıǵı jáne aýa raıynyń kúrdeli jaǵdaıynda júrgizildi. Operasııaǵa barlyǵy júzge jýyq adam jáne 22 tehnıka birligi jumyldyryldy. Onyń ishinde TJD kúshteri, áskerı polısııa, polısııa departamenti, jergilikti atqarýshy organdar, orman sharýashylyǵy, áskerı bólimder jáne marqumnyń týystary qatysty.
