Sport • 16 Mamyr, 2025

Elimizde qandaı sporttyq nysandar salynyp jatyr

110 ret

kórsetildi

1 mın

oqý úshin

Týrızm jáne sport mınıstrligi osy jylǵy sport ınfraqurylymyn damytý baǵytynda atqarylyp jatqan negizgi jobalardy jarııalady, dep jazady Egemen.kz.

Dana MYRZAQADIR

Elimizde qandaı sporttyq nysandar salynyp jatyr

Foto: azattyq-ruhy.kz

Bıyl Petropavl qalasyndaǵy «Qarasaı» stadıonyn qaıta jańǵyrtýdyń ekinshi kezeńi aıaqtalǵan. Birinshi kezeńde jaryqtandyrý, alań, tablo jáne dybys júıesi jańartylsa, ekinshi kezeńde trıbýnalar, kıim aýystyratyn bólmeler men sanıtarlyq toraptar kúrdeli jóndeýden ótip, jańa korpýs salynǵan.

Al Qyzylordada 10 000 oryndyq stadıonnyń qurylysy júrip jatyr. Osy jylǵy shilde aıynda aıaqtaý josparlanǵan.

Astanada Q. Muńaıtpasov atyndaǵy jańa stadıonnyń qurylysy bastaldy. Bul fýtbol alańy 2026 jyldyń I toqsanynda paıdalanýǵa berilgen.

Sondaı-aq Astanada Ulttyq sport ýnıversıtetiniń qurylysy jalǵasyp jatyr. Joba eki kezeńnen turady. Nysandy tapsyrý merzimi jyl sońyna josparlanǵan. Oqý orny kolledjden bastap doktorantýraǵa deıingi tolyq bilim berý sıklyn qamtıdy.

Túrkistanda eskek esý kanalynyń qurylysy jalǵasyp jatyr. Qurylystyń birinshi kezeńi tolyqtaı aıaqtalǵan, ekinshi kezeń jumystary 95% atqarylyp, úshinshi kezeńdegi jumys deńgeıi - 30% kórsetkishin quraıdy. Jumysty jyl sońyna deıin aıaqtaý mejesi kózdelgen.

Aıta keteıik, 2024 jyly elimizde 90 sport nysany salynǵan. Onyń 61-i aýyldyq jerlerde, 29-y qalalar men aýdan ortalyqtarynda ornalasqan.