Mekteptiń shaǵyn mereıtoıyna oraı az ýaqyt ishinde qol jetkizilgen jetistikter saralanyp, bilim uıasynyń dırektory Janar Ermuhambetova ár apta – bir jańa jeńis bolǵandyǵyn, is-sharanyń sol tabystardyń aıǵaǵy ekenin atap ótti.
Osy ýaqyt aralyǵynda mektep oqýshylary orkestr quryp, saltanatty sharada «Kelinshek» kúıin tartý etti.
Jańa ashylǵan mektep kóktep, kógere bersin degen nıetpen aýlasynda 109 túp kóshet otyrǵyzyldy.
Sondaı-aq, mektep psıhology R. Muhamedına men eńbek páni muǵalimi N.Baıtúgelovanyń bastamasymen 5-8 synyp aralyǵyndaǵy qyzdardy jan-jaqty damýǵa baǵyttalǵan «KórkemARU» klýby ashyldy. Bul klýb oqýshylardy qolónerge, tamaq ázirleýge, jeke bas gıgıenasy máselelerin úırenýge, sán álemin ıgerýge ǵana baýlyp qoımaı, qyz balalardy mazalap júrgen suraqtardy talqylaýǵa, ózgege aıtpaıtyn syryn bir-birimen bólisip, jaqsy kóńil-kúı syılaýǵa baǵyttalǵan. «KórkemARU» kabınetin QR eńbek sińirgen qaıratkeri, «Eren eńbegi úshin» tósbelgisiniń ıegeri, «Tegińdi bilgen – tektilik» qoǵamdyq birlestiginiń tóraıymy Sáýle О́telbaıqyzy Jeldibaeva ashyp berdi.
Mektep foıesinde «Mektep tynysy» kórmesi uıymdastyrylyp, kelýshiler oqýshylar qurastyrǵan robottardy, uldar men qyzdarǵa arnalǵan tehnologııa kabınetterindegi oqýshylardyń jumystaryn tamashalady. Odan soń qonaqtar toǵyzqumalaq, bes asyq, voleıbol, fýtbol, karate, ústel tennısi sekildi sporttyq oıyndardyń barysyn kórip, ózderi de sporttyq saıysta baq synady.
Merekeniń sońy mektep ustazdary men oqýshylary daıyndaǵan konserttik baǵdarlamaǵa ulasty.
