Uıym qashanda densaýlyq kúzetinde

Keshe Aqordada Memlekettik hatshy Gúlshara Ábdiqalyqova Dúnıejúzilik densaýlyq saqtaý uıymy (DDU)  Eýropa óńiri bıýrosynyń dırektory J.Iаkabpen kezdesti. Memlekettik hatshy J.Iаkab hanymdy Qazaqstan aýmaǵynda, geo­grafııalyq jaǵynan DDU bas shta­bynan eń shalǵaı jerde orna­lasqan alǵashqy medısınalyq-sanıtarlyq kómek kórsetý jó­nindegi ofısiniń ashylýymen quttyqtady. Bul ofıstiń Almatyda ashylýynyń eleýli sımvolıkalyq máni bar. О́ıtkeni, DDU-nyń medısınalyq-sanıtarlyq kómek kórsetý jónindegi deklarasııasy alǵash ret 1978 jyly Almatyda qabyldanǵan edi, dedi ol. DDU-nyń Almatydaǵy ofısi uıymǵa múshe 53 memlekettiń ju­mysyn úılestirýdi júzege asyratyn Eýropa men Ortalyq Azııa aýmaǵyndaǵy alǵashqy iri ofıske aınalyp otyr. Ofıstiń Qazaqstan aýmaǵynda ashylýy – alǵashqy medısınalyq-sanıtarlyq kómek kórsetý boıynsha bizdiń elimizdiń jasap jatqan jumystarynyń DDU tarapynan joǵary baǵa alǵandyǵynyń kórinisi. Bul týraly J.Iаkab hanym jýrnalısterge kezdesýden soń baıandap berdi. Ol Qazaqstandaǵy «Salamatty Qazaqstan» baǵdarlamasyn da joǵary baǵalaıtynyn jetkize kelip, Elbasynyń óz azamattarynyń densaýlyǵyn saqtaýǵa zor kóńil bóletinine rızashylyǵyn bildirdi. Memlekettik hatshydaǵy kezdesýde taraptar Qazaqstan men DDU arasyndaǵy yntymaqtastyqtyń jańa baǵyttary boıynsha árip­tes­tik qatynastardy tereńdete túsý qajettigine toqtaldy. Sonyń ishin­de juqpaly jáne juqpaly emes dert­­termen, polıomelıt, ókpe qur­ty­na qarsy kúres máseleleri sóz boldy. G.Ábdiqalyqova Prezıdent N.Nazarbaevtyń bastamasymen qolǵa alynǵan azamattardyń densaýlyǵyn saqtaý salasyn damytý jónindegi 2011-2015 jyldarǵa arnalǵan «Salamatty Qazaqstan» memlekettik baǵdarlamasyn iske asyrýda konsýltatıvtik jáne tehnıkalyq belsendi kómekteri úshin DDU-nyń Eýropa bıýrosyna alǵysyn jetkizdi. Kezdesýge Densaýlyq saq­taý jáne áleýmettik damý mınıstr­iniń birinshi orynbasary S.Qaı­yrbekova, DDU-nyń Qazaqstan Respýblıkasyndaǵy ókili M.Výı­no­vıch jáne Respýblıkalyq medı­sınalyq palatanyń prezıdenti M.Quljanov qatysty. Jaqsybaı SAMRAT, «Egemen Qazaqstan».