«Qorshaǵan aýanyń tazalyǵyna keri áser etetin shyǵaryndylardyń 90 paıyzy kásiporyndardyń úlesine tıedi. Negizgi úlesti munaı-gaz sektorynyń 4 kásiporny qosady. Shyǵaryndylarǵa baqylaý júrgizý úshin avtomattandyrylǵan monıtorıng júıesi engizildi. Osy kezge deıin Atyraý munaı óńdeý zaýyty, «Atyraý jylý-elektr ortalyǵy» AQ, «NCOC N.V.» fılıaly men «Teńizshevroıl» JShS monıtorıng derekterin berip otyr, dedi Jomart Álıev.
Mınıstr orynbasarynyń aıtýyna qaraǵanda, turǵyndardy zańsyz qoqys oryndary alańdatyp otyr.
«Aımaqtaǵy taǵy bir eleýli máseleniń biri – ruqsat etilmegen qoqys oryndary. Máselen, 2024 jyly ǵaryshtyq monıtorıng arqyly 168 zańsyz qoqys úıindisi anyqtaldy. Osy kezge deıin 125 úıindi tazalandy», dep málim etti Jomart Álıev.
Atyraý oblysy
