Foto: ult.kz
Jańa taý klasteri JIО́-ge jyl saıyn 0,8 paıyzdyq tabysqa deıin qosyp, bıýdjetke ondaǵan mıllıard teńge salyq tóleı alady.
Elimiz úshin bul aýyr ónerkásiptiń uzaq sıkldarynsyz ártaraptandyrý jáne servıstik ekonomıkada myńdaǵan jumys oryndaryn ashý múmkindigi.
Joba 100% memleket tarapynan ınfraqurylymǵa salymdardy qaıtarý kepildigimen júzege asyrylady; jeke ınvestorlar konsessııalar men memlekettik-jekemenshik áriptestik arqyly kire alady.
Mundaı model Avstrııada (Sölden) sátti júzege asyp, jeke kapıtal mınımaldy táýekeldermen paıda kórgen.
Ekonomıka úshin mýltıplıkatıvti áser
Sarapshylardyń esepteýleri boıynsha, Ski-pass bıletterine jumsalǵan árbir dollar jabdyq pen kólikti jalǵa berýden bastap gastronomııa men IT-qyzmetterge deıin baılanysty qyzmetterde taǵy 15 USD tartady. Mundaı koeffısıentke dástúrli eksporttyq-shıkizat salalarynda da qol jetkizý ońaı emes. Iаǵnı, bul ınfraqurylymdyq ınvestısııalardyń tikeleı ǵana emes, sonymen qatar búkil alqaptaǵy kásipkerler tizbegi arqyly da qaıtarylatynyn bildiredi. Sondyqtan damyǵan alpilik kýrorttar shaǵyn jáne orta bıznestiń tutas ekojúıesi bolyp sanalady.
Ulttyq parktiń jeri saqtalady
Kórshi elderdiń tájirıbesinen aıyrmashylyǵy, Qazaqstan ýchaskelerdi erekshe qorǵalatyn aýmaqtar quramynan shyǵarmaıdy. Memlekettik zańdy tulǵa ulttyq park ákimshiligimen birlesken qyzmet týraly shart jasasady – erekshe qorǵalatyn tabıǵat aýmaqtary mártebesi men kúzet rejımi ózgerissiz qalady. Týrıstik ınfraqurylym zańmen ruqsat etilgen shekteýli ekonomıkalyq belsendilik aımaqtarynda ǵana jasaqtalady. Bul jerdiń qoǵamdyq menshikte qalýyn jáne tabıǵatty baqylaý memlekettiń qolynda bolýyn qamtamasyz etedi.
