Foto: ashyq derekkóz
Departament basshysy, Ádep jónindegi keńes tóraǵasy Abylaıhan Naýryzbaevtyń málimdeýinshe, ótken jylmen salystyrǵanda aryzdardyń túsý dınamıkasy 50%-ǵa joǵarylaǵan. Ol bul jáıtti azamattardyń departamentke degen senimimen baılanystyryp otyr.
«Máselen, Túrkistan qalasynyń turǵyndary jer ýchaskeleriniń bólinetindigi men bólinbeıtindigin aıqyndaýdan bas tartylǵany týraly departamentke aryzdanǵan. Atalǵan kórsetiletin memlekettik qyzmettiń tártibi Aýyl sharýashylyǵy mınıstriniń 2020 jylǵy 1 qazandaǵy № 301 buıryǵymen bekitilgen «Jer ýchaskeleriniń bólinetindigi men bólinbeıtindigin aıqyndaý» qaǵıdasymen retteledi. Atalǵan ujymdyq aryzdy jan-jaqty, obektıvti jáne tolyq qaraý maqsatynda departamentpen tıisti memlekettik organǵa jospardan tys tekserý júrgizildi. Anyqtalǵandaı, qyzmet alýshylarmen 2024 jyldyń shilde aıynda ótinishter berilip, qyzmet kórsetýshi tarapynan qoldanystaǵy zańnama talaptary saqtalmaı, qyzmet kórsetýden bas tartylǵan. Júrgizilgen tekserý nátıjesiniń qorytyndysy boıynsha departament tarapynan tıisti túsindirme jumystary júrgizilip, buzýshylyqtardy joıý jáne aldaǵy ýaqytta boldyrmaý týraly usynys engizildi», deıdi departament basshysy.
Bul baǵytta júrgizilgen jumystar nátıjesinde, qyzmet alýshylardyń buzylǵan quqyqtary tolyqtaı qalpyna keltirilgen.
Túrkistan oblysy
