Foto: ashyq derekkóz
Aýqymdy sharaǵa Almaty, Astana, Shymkent qalalary men basqa da oblystardan memlekettik mekemelerdiń ókilderi, úkimettik emes uıymdar, sarapshylar jáne belsendi azamattar jınaldy. Forýmnyń basty maqsaty – memlekettik qurylymdar men azamattyq sektor arasyndaǵy áriptestiktiń zamanaýı tásilderin zerdelep, óńirlik damýǵa qatysty ózekti máselelerdi birlese talqylaý.
Forýmnyń ashylý rásiminde Jetisý oblysy ákiminiń orynbasary Dıas Esdáýletov quttyqtaý sóz sóılep, óńirdegi azamattyq bastamalardy damytýǵa baǵyttalǵan jumystarǵa toqtaldy. Is-sharanyń moderatory, Jetisý oblystyq Azamattyq Alıansynyń tóraıymy Danııa Qydyrbaeva forýmnyń baǵdarlamasymen tanystyryp, qatysýshylar men delegattardy tanystyrdy.
Forým barysynda úsh negizgi baǵyttaǵy sessııalar ótti. Alǵashqy sessııa – «Azamattyq qoǵamdy damytý jáne sıfrlyq ınnovasııalar» – «Jetisý Medıa» MKK basshysy Shyńǵys Bozymnyń júrgizýimen uıymdastyryldy. Onda Qazaqstan Azamattyq Alıansynyń prezıdenti Baný Nurǵazıeva, «DANGEN» JK dırektory Danııar Aldabergenov jáne «Halyqaralyq sharttardyń qoǵamdyq monıtorınginiń qazaqstandyq ortalyǵynyń» jetekshisi Galına Moıseenko sıfrlyq tehnologııalardyń ÚEU qyzmetindegi róli, ChatGPT syndy quraldardyń áleýmet salasyndaǵy múmkindikteri men jańa azamattyq bastamalarǵa qatysty oılarymen bólisti.
Kelesi sessııa – «Memleket, bıznes jáne ÚEU arasyndaǵy tıimdi áriptestik» – Jetisý oblystyq jumyspen qamtý jáne áleýmettik baǵdarlamalar basqarmasynyń basshysy Ermek Mızambaevtyń moderatorlyǵymen ótti. Baný Nurǵazıeva men «ShQO Azamattyq Alıansynyń» tóraıymy, «ShQO taldaý jáne boljaý ınstıtýty» JShS dırektory Aıaýjan Ashımova áleýmettik kásipkerlik, memlekettik-jekeshelik áriptestik pen ÚEU jáne buqaralyq aqparat quraldarynyń qoǵamdaǵy orny týraly pikirlerin ortaǵa saldy.
Úshinshi sessııa – «Azamattyq belsendilik jáne jastardyń qatysýy» – Jetisý oblystyq din isteri basqarmasynyń basshysy Saǵynysh Jańabaıdyń jetekshiligimen ótti. Sessııa spıkerleri – Baný Nurǵazıeva, QR Aqparat jáne qoǵamdyq damý mınıstrligi Azamattyq qoǵam isteri komıtetiniń tóraǵasy Gúlbara Sultanova, oblystyq máslıhat depýtaty Erkebulan Aqbolatov jáne «Jetisý Jastary» resýrstyq ortalyǵynyń dırektory Shamıl Vankeev jastardyń qoǵamdyq ómirge aralasýy, volonterlik qyzmetti ilgeriletý jáne áleýmettik jelilerdiń jastar belsendiligine áseri tóńireginde mazmundy talqylaýlar júrgizdi.
