Jas patrıottar beltemirge (uldarda) tartylý, ishti qataıtý (qyzdar), áskerılendirilgen kross, arqan tartý, pnevmatıkalyq myltyqtan atý, AK-74 avtomatyn ishinara qurastyryp-bólshekteý, jalpy áskerı qorǵanys jıyntyǵyn kııý jáne Smart Sarbaz zııatkerlik oıyndary sııaqty pánderde baǵyn synady.
– Úsh kúndik dalalyq jıyn barysynda «Aıbyn» XI halyqaralyq áskerı-patrıottyq jastar jıynynda Astananyń namysyn qorǵaıtyn úzdik úsh komandany anyqtadyq. Bıyl bul saıys Uly Jeńistiń 80 jyldyǵyna jáne Álııa Moldaǵulovanyń týǵanyna 100 jyl tolýyna oraılastyrylyp otyr, – dedi «Jas sarbaz» áskerı-patrıottyq qozǵalysynyń elordalyq fılıalynyń tóraǵasy Ashat Nalshybek.
Jarys qorytyndysyna kelsek, birinshi oryndy «Saraıshyq» aýdanynyń «Aqsuńqar» komandasy, ekinshi oryndy – «Saryarqa-2» aýdanynyń komandasy, úshinshi oryndy – «Úmit» áskerı-patrıottyq klýbynyń tárbıelenýshileri jeńip aldy.
Budan ózge irikteý týryna 7 komanda quramynda 150 ul-qyz qatysqanyn aıta ketelik.
