Jaǵymdy jańalyq О́ńirlik kommýnıkasııalar qyzmetinde Ulytaý oblysy Bilim basqarmasy men sanıtarııalyq-epıdemıologııalyq baqylaý departamentiniń ókilderimen bolǵan brıfıngte aıtyldy.
Ulytaý oblysynda 2025 jylǵy jazǵy demalys maýsymynda 36 myńnan astam oqýshyny túrli baǵyttaǵy saýyqtyrý baǵdarlamalarymen qamtý josparlanyp otyr.
Oblys boıynsha barlyǵy 153 lager men demalys alańy jumys isteıdi. Onyń ishinde 59 mektep janyndaǵy lagerde 4 809 bala tegin demalady. Osy maqsatqa 73,7 mln teńge bıýdjet qarajaty bólingen. Jalpy, jazǵy maýsymdy uıymdastyrýǵa bıýdjetten jáne demeýshilerden 515 mln teńge baǵyttaldy.
Sonymen qatar, oblys ákimdigi Jezqazǵan qalasyndaǵy Botanıkalyq baq mańynan 400 oryndyq jańa lager salýdy josparlap otyr. Qazirgi ýaqytta 28,8 mln teńgege jobalyq-smetalyq qujattama ázirlenip, memlekettik saraptamaǵa jiberildi.
Balalar demalysy barysynda qaýipsizdik pen sanıtarlyq talaptardy saqtaý – basty nazarda. Saýyqtyrý oryndary arnaıy tekseristen ótkizilip, personal medısınalyq tekserýden ótedi. Balalar tek medısınalyq anyqtamamen qabyldanady.
Sondaı-aq, shomylý erejelerin túsindirý, sýısıdtiń aldyn alý, quqyqtyq jáne psıhologııalyq qaýipsizdik boıynsha arnaıy sabaqtar ótkizý josparda bar.
29 mamyrda oblys aýmaǵynda «Qaýipsiz balalyq shaq!» atty keń aýqymdy aqparattyq aksııa ótedi.
Ulytaý oblysy
