Oqys oqıǵanyń aldyn alý úshin megapolıste erekshe aksııa ótip jatyr. Qalalyq jastar ortalyǵynyń mamandary tótenshe jaǵdaılar qyzmetiniń ókilderimen birlesip sý aıdyndarynda qaýipsizdik erejelerin saqtaý kerektigin halyqqa túsindirip júr.
Nasıhat toby ózen-kól toǵandarǵa baryp, sol jerde shomylyp jatqan balalar, jasóspirimder men úlken jastaǵy azamattarǵa únparaqtar taratyp, saqtyq sharalaryn esterine saldy. Odan bólek sý aıdyndarynyń jaǵasyna eskertý taqtaıshalaryn ornatty.
Tótenshe jaǵdaılar qyzmeti mamandarynyń aıtýynsha jaz shyǵa adamdardyń sýǵa batyp ketý qaýpi kúsheıedi. Sonymen birge órt, gazdan ýlaný oqıǵalary da jıi kezdesip turady. Sondyqtan tótenshe qyzmetiniń ókilderi qala turǵyndaryn barynsha saq bolyp, qaýipsizdik erejelerin saqtaýǵa shaqyrady. Osy qyzmet departamentiniń mamandary mektepterde kezdesý ótkizip, oqýshylar men ustazdarǵa tótenshe oqıǵa oryn alǵan jaǵdaıda adamnyń jasaıtyn is-áreketi týraly aıtyp túsindirgen.
Tabıǵı sý kózderinen Shymkentte shomylýǵa bolatyn 5 sý aıdyny belgilengen. Biraq solardyń ishinde tek úsheýine ǵana shomylýǵa ruqsat berilgen. Qalada odan basqa jıyrma shaqty akvopark pen basseınder jaz boıy qyzmet kórsetedi.
Osy jaz maýsymynda reıdtik is-sharadan bólek balalarǵa qalaı júzý kerektigi úıretiletin bolady. Eger bala ruqsatsyz jerde shomylǵan bolsa onyń ata-anasyna ákimshilik jaýapkershilik boıynsha jaza qoldanylmaq. Al jazataıym oqıǵalardyń aldyn alý úshin tótenshe jaǵdaı qyzmetiniń mamandaryna eriktiler kómekke keledi.
ShYMKENT
