Agroónerkásiptik keshendegi memlekettik ınspeksııa komıteti tóraǵasynyń mindetin atqarýshy Sáken Qanybekovtyń aıtýynsha, búgingi kúni 3,2 mln gektar aýyl sharýashylyǵy alqaby zerttelip, onyń 878,3 myń gektarynda zııankes bar ekeni anyqtalǵan. О́ńdelýge tıis 528,4 myń gektardyń 486,3 myń gektarynda is-sharalar júrgizilgen.
Aýyl sharýashylyǵy mınıstri Aıdarbek Saparov shegirtkeke qarsy kúres jumystaryn qajet bolǵan jaǵdaıda táýlik boıy júrgizýge tapsyrma berdi.
- Mindetteme alǵan merdigerler barlyq qajetti tehnıkany tolyq kólemde qamtamasyz etýge tıis. Jumys kestege sáıkes, qajet bolǵan jaǵdaıda táýlik boıy, aýa raıyna nemese tehnıkalyq qıyndyqtarǵa qaramastan júrgizilýi qajet. Jumystyń merzimi men sapasyna kún saıyn monıtorıng júrgiziledi. Qajet bolǵan jaǵdaıda qaıta óńdeý múmkindigin de qarastyrý qajet, — dedi Saparov.
Ásirese shekara mańyndaǵy aýmaqtarǵa erekshe nazar aýdaryldy. Bul jerlerde zııankestiń kóshýin boldyrmaý úshin baqylaýdy kúsheıtý qajet, dedi mınıstr.
