ELBASYMEN BIRGE QÝATTY QAZAQSTAN ÚShIN!

Oralda ótkizilgen “Elbasymen birge – qýatty jáne salamatty Qazaqstan úshin!” aksııasynda Elbasyna qurmet aıqyn kórindi Iá, ótken senbi kúni Oral qalasynda atalǵan taqyrypta ótkizilgen kópshilik jastar aksııasy birlik pen tatýlyqtyń, Astanany ardaq tutý men Elbasyn qurmetteı bilýdiń jáne salamatty ómir saltyn ornyqtyrýdaǵy jarqyn isterdiń jarshysyna aınaldy. Ol sonysymen de Jaıyq jastarynyń sanasynan berik oryn teýip, aldaǵy ómirleriniń temirqazyǵy bolyp qala bermek. Aksııanyń taǵy bir utymdy qyry dál osy jıyrma altynshy maýsym kúni “Elbasymen birge – qýatty jáne deni saý Qazaqstan úshin” atty jastar aksııasy aıasynda úsh birdeı mándi de maǵynaly shara márege jetti. Eń bastysy atalǵan sharalar mazmun jaǵynan da, túr jaǵynan da, birin-biri baıytyp, birin-biri tolyqtyryp otyrdy. Abaı atyndaǵy Oral qalasynyń ortalyq alańy jastarǵa lyq toly. Munda egemen elimizdiń batystaǵy qaqpasy ispettes Batys Qazaqstan oblysynyń geografııalyq kartasy arnaıy qoıylǵan taqtaǵa ilinipti. Bul karta Elordadan Oral óńirine jáne respýblıkanyń ózge de aımaqtaryna arnaıy jiberilgen eken. Mundaǵy basty maqsat – óńir jastarynyń Asta­na jónindegi qysqa da nusqa oı oramdary men qut­tyqtaý tilekterin bilý eken. Iаǵnı oǵan óńir óren­deri el baıtaǵy jónindegi óz pikirlerin , tipti aqyl – jastan demekshi, Astanany odan ári da­my­typ kórkeıtý jónindegi usynystaryn da jazyp qaldyra alatyn kórinedi. Keıin ár oblystyń kar­ta­syna toltyrylǵan osyndaı búgingi urpaq úni top­tastyrylyp, ári ár oblystyń kartasy bir-biri­ne jymdastyrylyp, biriktirilip tutas Qazaqstan kar­tasyn quramaq. Osy karta Astana merekesi kún­deri oǵan qatysýshylardyń nazaryna usynylmaq. Jastar irkilgen joq. О́ńir kartasynan olar túsirgen alǵashqy quttyqtaý tilekter de kózimizge sha­lyndy. Ony dereý oqı bastadyq. “Astana – Qa­zaq­stannyń júregi”, “Asqaqtaı ber, Astana”, “Álem kartasyndaǵy jańa qala”, “Elbasy – Asta­na­nyń bas sáýletshisi”, “Astana – ortaq maqta­nyshymyz”, “Saryarqa tósindegi el juldyzy”, “Oraldy Astana deńgeıine jaqyndataıyq” degen jastar men stýdentterdiń shynaıy lebizderi kóńilderge jyp-jyly nur sepkendeı kórinedi. Aksııa aıasyndaǵy kezekti shara jastar sherýine jalǵasty. Oraldyń ortalyq alańynan qozǵalyp alǵa qaraı qadam basqan qalyń lek Dostyq dań­ǵylynyń boıymen attaı on tórt jyl boıy otar­shyldarmen, qazaq halqynyń táýelsizdigi jolynda kúresken Syrym Datulynyń eskertkishine qaraı baǵyt aldy. “Birligimiz jarasqan” atty aıshyqty jazýlary bar kıim úlgileri boıynsha kıingen jastar men stýdentterdiń adymdary arshyndy da asqaq kórinedi. Olardyń qoldaryna ustaǵan transporanttarda “Meniń elim – Qazaqstan”, “Elbasymen birge el qýa­tyn eseleımiz”, “Nursultan Ábishuly – jas­tardyń qamqorshysy”, “Oral – esirtkisiz qala” atty jazýlar birden kózge shalynady. Syrym Datuly alańyna osylaısha saltanatty sherýmen jetken jastar osy jerge ornalas­ty­ryl­ǵan úlken sahnanyń qasyna kelip aıaldady. Bul jerde sherýmen kelgen jastardy kútip turǵan olar­dyń zamandastarynyń qarasy tipti mol kórindi. Alań jastardyń kóptiginen jeldi kúngi teńizdeı tolqıdy. “Elbasymen birge – qýatty jáne salamatty Qazaqstan úshin” aksııasyna qatysýshylar aldynda Batys Qazaqstan oblysynyń ishki saıasat basqarmasy bastyǵynyń orynbasary Muratqalı Tóregeldıev sóz sóıledi. – Aldymyzda Astana kúni esik qaǵyp tur. Onyń tez arada boı kóterip, jańa turpatqa ıe bo­lýyna Elbasy – Qazaqstan Respýblıkasynyń Tuń­ǵysh Prezıdenti Nursultan Nazarbaevtyń qosqan úlesi qomaqty. Sondyqtan biz bul eki esim men eki ataýdy bir-birinen bólip-jara qaraı al­maı­myz. Búginde respýblıkamyz álem jurtshy­ly­ǵy tanyǵan elge aınalyp, keleshekke nyq qadam ba­syp keledi. Osy arada aıryqsha atap óterlik jáıt: tek qýatty, deni saý ult qana – keleshegi ke­mel, baǵdary aıqyn qýatty memleket qura alady. Biz mundaı bıik maqsatqa tek Elbasynyń kóregen saıasatynyń arqasynda ǵana jete alamyz. Sondyqtan da búgingi aksııanyń ataýy “Elbasymen birge – qýatty jáne deni saý Qazaqstan úshin!” dep atalyp otyr, – dedi ol. Qazaqstannyń azamattyq alıansy Batys Qa­zaq­stan oblystyq fılıaly tóraıymynyń oryn­basary Sergeı Dmıtrıýk Nursultan Nazarbaev táýelsiz qazaq memlekettiliginiń negizin qalaýshy eke­nin aıta kelip, búginde álem tanyǵan ult kósh­bas­shysyna aınalǵanyn shynaıy júrekten jet­kizdi. Sonymen birge ol salamatty ómir saltyn ustanýda Elbasynyń barsha qazaqstandyqtarǵa kórsetip júrgen jeke ónegesi jóninde de dáıekti mysaldar keltirdi. Budan ári sheshen álemdik deńgeıdegi ǵasyr derti – nashaqorlyq pen esirtki bıznesine qazaq­stan­dyq qoǵam jaǵdaıynda jol bermeý, oǵan tosqaýyl qoıý qajettiligine toqtala kelip, onymen kúreske jumyla kirisý qajettiligin alǵa tartty. Ári búgingi ótkizilip otyrǵan aksııa maqsatynyń biri de osy ekenin jetkizdi. Elbasy N.Á.Nazarbaevtyń bastamasy boıynsha búginde salamatty ómir saltyn qalyptastyrý isi mem­lekettik deńgeıde qolǵa alyndy. Munyń ishin­de nashaqorlyq pen basqa da zııandy ádetterdi aýyz­dyqtaý jáne olardyń aldyn alý isi jalpyha­lyqtyq mindet retinde belgilenip otyr. Jastar osy kúrestiń aldyńǵy leginen tabylatynyna seni­mimiz mol, – dep túıin jasady Sergeı Dmıtrıevıch. Onyń sózi men shaqyrýy aksııaǵa qatysýshylar tarapynan tolyq qoldaý tapty. Sondaı-aq, osy kúni atalǵan aksııa aıasynda eń úzdik nomınasııalar boıynsha jeńimpazdar anyqtaldy. Olardyń tobyn eń úzdik ánshiler men bıshiler, jas mamandar, kóńildi tapqyshtar klýby, jastar qoǵamdyq birlestigi quraıdy. Osy arada jastar arasynda salamatty ómir saltyn qalyptas­tyrýdaǵy erekshe eńbegi úshin nomınasııasyn ıelengen polısııa aǵa leıtenanty Qasıet Satqanovtyń esimin aıryqsha atap ótýge bolady. Joǵaryda aıtyp ótkenimizdeı Oral qalasynda “Elbasymen birge – qýatty jáne salamatty Qazaqstan úshin” atty taqyrypta ótkizilgen aksııa táýelsiz Qazaqstan men onyń bas ordasy Astanaǵa degen mahabbattyń, Elbasymyz Nursultan Ábishulyna degen qurmet pen bas ııýdiń belgisindeı áser qaldyrdy. Temir QUSAIYN. Batys Qazaqstan oblysy.