Qorǵanys mınıstriniń tárbıe jáne ıdeologııalyq jumys jónindegi orynbasary general-maıor Shaıh-Hasan Jazyqbaev depýtattardy kishi komandalyq quramnyń mamandaryn daıarlaýdyń júıesimen jáne beıindi komıtet múshelerin kadetterdi irikteý tártibi jaıynan habardar etti.
Zań shyǵarýshy bılik ókilderi oqý ornynyń ınfraqurylymymen, onyń materıaldyq-tehnıkalyq bazasymen, kadetter men merzimdi qyzmet sarbazdarynyń turatyn jerimen, tamaqtaný jáne medısınalyq kómek kórsetý sharttarymen tanysty. Olar kazarmaǵa, ashanaǵa, sportzalǵa baryp, medısınalyq kabınettiń qalaı jabdyqtalǵanyn kórdi.
Sapar barysynda depýtattarǵa kolledj tárbıelenýshileriniń mádenı bos ýaqytyn, áskerı-patrıottyq tárbıesin jáne sportpen shuǵyldanýyn uıymdastyrý jaıy da aıtyldy. Qonaqtar murajaıǵa, oqý ornynyń kitaphanasyna jáne sportzalǵa bardy.
Is-shara sońynda depýtattar áskerı kolledjdiń jeke quramymen kezdesti. Májilismender áskerı bilim men áskerı qyzmetke qatysty zańnamanyń erejelerine túsinikteme berip, ony jetildirý jónindegi kózqarasymen bólisti.
