Kezdesý barysynda Aıda Balaeva metallýrgııa Qazaqstan ekonomıkasynda mańyzdy ról atqaratynyn atap ótti. Bul negizgi sala eldiń eksporttyq áleýetin qalyptastyrady, jumyspen qamtýdy qamtamasyz etedi jáne qurylys, mashına jasaý men energetıka damýyna úles qosady. Sonymen qatar, jańa Konstıtýsııa nusqasy eń aldymen eńbek, qaýipsizdik jáne qyzmetkerlerdiń áleýmettik qorǵalýy máselelerine qatysty ekenin erekshe aıtty.
− «Qazsınk» jyldar boıy Qazaqstannyń tústi metaldar álemdik naryǵynda eń qatal básekege tótep bere alatynyn dáleldedi. Bul sizderdiń eńbekterińizdiń, tártip pen kásibıliktiń nátıjesi. Alaıda ónerkásipti ári qaraı damytý, bilikti kadrlardy saqtaý jáne ınvestısııa tartý úshin ishki-saıası turaqtylyq pen oıyn erejeleriniń boljamdylyǵy burynǵydan da mańyzdy. 2026 jylǵy 15 naýryzda jańa Konstıtýsııaǵa referendým ótedi. Bul tek formaldylyq emes. Bul árbir azamatqa memlekettik mańyzy bar máseleler boıynsha tikeleı óz ustanymyn bildirýge múmkindik. Sońǵy alty aıda negizgi zańnyń túbegeıli jańartylǵan mátini daıyndaldy. El tarıhynda alǵash ret egemendik, táýelsizdik, aýmaqtyq tutastyq pen basqarý formasy ózgermeıtini tikeleı Konstıtýsııada bekitildi, – dedi mınıstr.
Budan soń, Aıda Balaeva eńbek ujymdaryna tikeleı qatysty normalardy da jeke atap ótti.
«Negizgi zań eńbek etý quqyǵyn, qaýipsiz jumys jaǵdaılary men ádil tólem alýdy dıskrımınasııasyz qamtamasyz etedi. Bul normalar óndiristik jaraqattanýdy azaıtýǵa jáne qyzmetkerlerdiń densaýlyǵyn saqtaýǵa baǵyttalǵan. Iаǵnı, jumys berýshi men memlekettiń eńbek jaǵdaılary úshin jaýapkershiligi Konstıtýsııada bekitilgen. Zań ústemdigi prınsıpi jumys isteıtin elde boljamdylyq joǵary, qaýip tómen, bolashaqqa senim kóp. Demek, kásiporyndar men qyzmetkerlerdiń otbasylary úshin damý múmkindikteri artady. Eń basty ózgeris – Konstıtýsııanyń tórinde adam jáne onyń quqyqtary, qaýipsizdigi, eńbegi tur», dep atap ótti A. Balaeva.
Májilis depýtaty Sergeı Ponomarev kásiporyn qyzmetkerlerine sóılegen sózinde jańa Konstıtýsııa jobasynyń sıfrlyq dáýir talaptaryn eskeretinin jáne onlaın ortadaǵy adamnyń quqyqtaryn kúsheıtetinin atap ótti.
«Endi Konstıtýsııada ınternettegi hat-habar jáne kommýnıkasııalardy qorǵaý, zııatkerlik menshik quqyqtaryn qorǵaý syndy mańyzdy normalar bekitiledi. Sondaı-aq, jeke derekterdi qorǵaý memleket deńgeıinde qamtamasyz etiledi. Bul óte mańyzdy. Sizdiń derekterińiz jelide jarııalanbaýy, satylmaýy nemese adamǵa qarsy paıdalanylmaýy tıis. Memleket adamnyń quqyqtaryn tek oflaın ǵana emes, onlaın da qorǵaıdy», dedi depýtat.
О́nerkásip sektor ókilderi de aldaǵy referendýmnyń el ekonomıkasynyń turaqty damýy jáne eńbek ujymdarynyń bolashaǵy úshin mańyzdy ekenin atap ótti. О́skemen metallýrgııalyq kesheniniń dırektory Tımýr Toqjigitov óz pikirin bildirdi.
− «Qazsınkte shamamen 19 myń adam jumys isteıdi, onyń ishinde 4 myńǵa jýyǵy О́skemen metallýrgııalyq alańynda qyzmet etedi. Qyzmetkerlerdiń tórtten biri – áıelder, olar jalpy nátıjege óz úlesterin qosady. Bizdiń ujym úshin aldaǵy referendým – tek áleýmettik-saıası oqıǵa ǵana emes, eldiń strategııalyq damý máselesi. Biz mindetti túrde 2026 jylǵy 15 naýryzdaǵy referendýmǵa qatysamyz, – dedi Tımýr Toqjigitov.
Bıbigúl Jeksenbaı: Jańa Konstıtýsııa – Ulttyq quryltaıda bastalǵan reformalardyń logıkalyq jalǵasy
Qyzmetkerlerdiń kózqarasyn mys shyǵarý sehynyń aǵa sheberi Aslan Turǵambaev ta jetkizdi.
− «Qazsınk metallýrgteri – naǵyz eńbek adamdary. Biz tártipke, jaýapkershilikke jáne naqty nátıje kórsetýge úırengenbiz. Búgin biz eńbektiń rólin kúsheıtý boıynsha júıeli qadamdardy kórip otyrmyz. Jańartylǵan Konstıtýsııa quqyqtar men áleýmettik qorǵaý kepildikterin nyǵaıtady, turaqty ári ádil júıeni qalyptastyrady. 15 naýryzda bizdiń ujym saılaý ýchaskelerine barady. Biz kúshti, turaqty jáne damyp kele jatqan Qazaqstandy tańdaımyz, – dedi A.Turǵambaev.
