Bes kún boıy qatysýshylar úzdik qoıylymdardy kórermen nazaryna usyndy. Festıval aıasynda atalǵan elderdiń rejısserleri, akterleri, teatrtanýshylary men sarapshylarynyń qatysýymen dóńgelek ústel ótti. Onda qýyrshaq teatrynyń damýy boıynsha ózekti máseleler, teatr syny, dástúr men zamanaýı kórkemdik tásilderdiń ózara baılanysy talqylandy. Festıvaldiń qazylar alqasy quramyna Qazaqstan, Moldova, Tájikstan jáne Túrkııadan kelgen sarapshylar kirdi.
Jeńimpazdar túrli nomınasııalar boıynsha anyqtaldy. Atap aıtsaq, «Eń úzdik spektakl» nomınasııasy boıynsha Almaty qalasynyń Memlekettik qýyrshaq teatry (Qazaqstan) N.Gogoldiń shyǵarmasy boıynsha qoıylǵan «Shekpen» spektakli, «Eń úzdik rejısserlik jumys» nomınasııasy boıynsha Dımıtrıı Hvtısıashvılı men Gıa Marganııanı, Nodar Dýmbadze atyndaǵy Memlekettik kásibı jastar teatry (Grýzııa) «Otello» spektakli, «Eń úzdik akterlik jumys» nomınasııasy boıynsha Erjan Bıǵashev, Mańǵystaý oblystyq qýyrshaq teatrynyń akteri (Qazaqstan) – Iý.Pospelovanyń pesasy boıynsha qoıylǵan «Dos izdeımin» spektakli, «Eń úzdik sýretshi jumysy» nomınasııasymen Batýmı Memlekettik kásibı qýyrshaq jáne jastar teatry (Grýzııa) «Otbasy» spektakli, (ssenografııasy I.Kıkvadze men N.Sabashvılıdiki) «Eń úzdik akterlik ansambl» atalymy boıynsha Qostanaı oblystyq qýyrshaq teatry (Qazaqstan) Nıkoloz Sabashvılıdiń pesasy boıynsha qoıylǵan «MEN…» spektakli marapattaldy.
«Orteke» festıvali kezekti ret teatr óneriniń damýyna jáne mádenıetter arasyndaǵy baılanysty nyǵaıtýǵa yqpal etetin halyqaralyq mádenı alańǵa aınaldy.
