Solardyń biri – Buqar-Jyraý aýdanynyń Jańaqala aýylynda anyqtalǵan jasyryn esirtki zerthanasy. Jedel-izdestirý sharalary barysynda sıntetıkalyq esirtki – mefedron óndirisimen aınalysqan zerthana qyzmeti toqtatyldy.
– Arnaıy tintý kezinde tártip saqshylary bir tonnaǵa jýyq hımııalyq prekýrsor men 500 gramnan astam daıyn esirtki zatyn tárkiledi. Kúdikti Almaty oblysynyń 38 jastaǵy turǵyny ustalyp, ýaqytsha ustaý ızolıatoryna qamaldy. Atalǵan derek boıynsha Qylmystyq kodekstiń tıisti baby boıynsha is qozǵaldy, – dep habarlady Qaraǵandy oblysynyń Polısııa departamentiniń bastyǵy Negmet Ismagýlov.
Bul bıylǵy jyly anyqtalǵan ekinshi iri esirtki zerthanasy. Buǵan deıin Asyl aýylynda júrgizilgen arnaıy operasııa barysynda tártip saqshylary 200 kelige jýyq esirtki jáne ony óndirýge arnalǵan kásibı jabdyqty tárkilegen bolatyn. Osy iske qatysy bar degen kúdikpen Almaty qalasynyń 25 jastaǵy er azamaty men 29 jastaǵy áıel ustaldy.
Qazirgi tańda tergeý amaldary jalǵasýda. Quqyq qorǵaý organdary esirtki óndirisine jáne taralýyna qatysy bar barlyq tulǵalardy anyqtaýǵa baǵyttalǵan keshendi sharalardy qolǵa aldy.
Qaraǵandy oblysynyń Polısııa departamenti esirtki qylmystaryna qarsy kúres – quqyq qorǵaý organdarynyń basty basymdyǵy bolyp qala beretinin atap ótedi. Zańsyz esirtki aınalymyna qarsy is-qımyl baǵytyndaǵy jumystar aldaǵy ýaqytta da júıeli ári úzdiksiz jalǵasyn tabady.
Qaraǵandy oblysy
