Foto: QR Qorǵanys mınıstrligi
Is-shara barysynda halyq qalaýlylaryna kishi komandalyq quram mamandaryn daıarlaý júıesi men kadetterdi irikteý tártibi týraly aqparat berildi. Bul jóninde QR Qorǵanys mınıstriniń tárbıe jáne ıdeologııa jónindegi orynbasary, general-maıor Shaıh-Hasan Jazyqbaev baıandady.
Depýtattar kolledjdiń materıaldyq-tehnıkalyq jabdyqtalýyna, kazarma men ashananyń jaı-kúıine, medısınalyq kómek kórsetý deńgeıine erekshe mán berdi. Sondaı-aq sport zaly men medısınalyq bólmege bas suǵyp, jaýyngerlik daıyndyqqa jasalǵan jaǵdaıdy baǵalady.
Depýtat Aıdos Syrymnyń aıtýynsha, kolledjge negizinen ońtústik óńirlerden kelgen jastar túsedi. Ol elimizdiń barlyq aımaǵyndaǵy mektepterde áskerı bilim berý mekemeleriniń artyqshylyqtaryn túsindiretin kásiptik baǵdar jumysyn kúsheıtý kerektigin aıtty.
«Jastar áskerı bilimmen qatar, bolashaqta azamattyq salada da kádege jaraıtyn mamandyq alyp shyǵýy kerek. Bul – olardyń motıvasııasyn arttyrady», – dedi ol.
Sapar aıasynda kolledjdiń kitaphanasy, mýzeıi jáne sport keshenderi de nazardan tys qalǵan joq. Depýtattar kadetterdiń rýhanı jáne patrıottyq tárbıesine baılanysty júrgizilip jatqan jumystarmen tanysty.
Sońynda halyq qalaýlylary oqý ornynyń jeke quramymen kezdesý ótkizip, áskerı bilim berý júıesindegi zańnama talaptaryn túsindirip, jastardyń suraqtaryna jaýap berdi.
Araılym Myrzahan,
EUÝ stýdenti
