Foto: ashyq derekkóz
Jıyn barysynda júzden astam áskerı mindetti azamat memlekettik-quqyqtyq daıyndyq, taktıkalyq, arnaıy jáne atys daıarlyǵy sekildi negizgi baǵyttar boıynsha bilimderin jetildirip, tájirıbelerin shyńdady. Jalpy oqý 18 túrli pán boıynsha júrgizildi. Olardyń qatarynda blok-beketterdegi is-qımyldar, qaraýyl qyzmetin oryndaý, shartty qarsylastyń shabýylyna tótep berý, strategııalyq mańyzy bar nysandardy qorǵaý men qorǵaný tásilderi bar.
Mundaı oqý jıyndary áskerı mindettilerdiń kásibı deńgeıin arttyryp qana qoımaı, aýmaqtyq qorǵanys júıesiniń nyǵaıýyna da sep bolady. Árbir sabaǵy mazmundy, naqty tapsyrmalarǵa baǵyttalǵan, – dedi Shymkent qalasy aýmaqtyq qorǵanys brıgadasynyń komandıri, polkovnık Baqytjan Áshimov.
Jıyn sońynda erekshe kózge túsken áskerı mindettilerge alǵys hattar men marapattar tabystaldy. Keıbir qatysýshylarǵa kezekti áskerı ataqtar berildi.
Aıta ketý kerek, oqý-jattyǵý jıyny kezinde áskerı mindettilerdiń negizgi jumys orny men jalaqysy saqtalady. Sonymen qatar olarǵa arnaıy qarjylaı ótemaqy, kıim-keshek jáne tamaqpen qamtamasyz etý qarastyrylǵan.
Aýmaqtyq qorǵanys – qazirgi qaýip-qaterlerge tótep berýdiń mańyzdy tetigi. Osyndaı oqý-jattyǵý jıyndary beıbit kúnde el tynyshtyǵyn saqtaýǵa daıyn kadrlardy ázirleýge jol ashady.
Araılym MYRZAHAN, EUÝ 2 kýrs stýdenti
