Foto: Aleksandr Pavskıı / Kazinform
Kesh barysynda ánshi júrgizýshiler qoıǵan suraqtarǵa jaýap berip, balalyq shaǵyndaǵy estelikterimen bólisip, jańa beınebaıan túsirý kezindegi qyzyqty sáttermen bólisti. Sonymen qatar, kórermendermen ıntellektýaldyq oıyn oınap, jeke ómirine qatysty keıbir zattardy da ashyq aıtty.
Shara aıasynda «Taý ishinde» beınebaıanynyń shyǵýyna oraı jarııalanǵan #TauIshindeChallenge baıqaýynyń jeńimpazdary marapattaldy. Eń kreatıvti jáne kórilim sany joǵary vıdeolardyń ıelerine ánshiniń Eýropada ótetin konsertterine arnaıy «Golden ticket» tabystaldy. Júldegerler qatarynda Astana qalasyndaǵy №58 mekteptiń dırektory Aqmonshaq Nurtaza men Chılı eliniń turǵyny Andrea bar.
Keshtiń áserli sátteriniń biri – Qazaqstan jáne KSRO halyq ártisi Bıbigúl Tólegenovanyń Dımashty týǵan kúnimen quttyqtaýy boldy. Ánshi ańyz tulǵaǵa sahnada turyp, qońyraý shalyp, aq batasyn aldy.
«Dımashpen osyndaı jyly júzdesýdiń kýási bolǵanyma qýanyshtymyn. О́zimniń shyǵarmashylyq jolymdy bastaýǵa shabyt aldym », deıdi kórermen Asylzat Aqylhan.
Damıra Tólegen
EUÝ stýdenti
