Munaı-gaz salasyndaǵy yntymaqtastyq, ınfraqurylymdy damytý jáne ozyq tehnologııalardy engizý josparlary talqylandy, túrli baǵyttar boıynsha ózara is-qımyldy keńeıtý perspektıvalary qaraldy.
Kezdesý barysynda Teńiz jáne Qashaǵan ken oryndaryn qosa alǵanda, negizgi birlesken jobalardyń aǵymdaǵy mártebesi men iske asyrylý barysyna, sondaı-aq Kaspıı qubyr konsorsıýmynyń qubyr júıelerin odan ári paıdalanýǵa nazar aýdaryldy. Ásirese, Qazaqstannyń álemdik energetıkalyq naryqtaǵy pozısııasyn nyǵaıta túsetin Teńiz kenishindegi bolashaq keńeıtý jobasynyń iske qosylýy erekshe atap ótildi.
Premer-mınıstr taýarlar boıynsha lokalızasııalaý deńgeıi jetkiliksiz bolyp qalatyn Teńiz jobasy sheńberinde taýarlardy, jumystar men kórsetiletin qyzmetterdi satyp alýdaǵy jergilikti qamtý úlesin ulǵaıtý jónindegi kúsh-jigerdi jandandyrý qajettigin atap ótti.
Taraptar Qashaǵan ken ornyn ıgerý kezeńderin iske asyrýdy, onyń ishinde óndirý kólemin ulǵaıtý jáne qýattylyǵy jylyna 2,5 mlrd m3 gaz óńdeý zaýytyn salý josparlanyp otyrǵan 2A kezeńin iske asyrý daıyndyǵyn talqylady. 2B kezeńin iske asyrý boıynsha jedel sheshim qabyldaýdyń mańyzdylyǵy atap ótildi. Jalpy, joba iske qosylǵan sátten bastap ken ornynda shamamen 906 mln barrel munaı jáne 75 mlrd m3 gaz óndirildi, jalpy alynatyn qorlary shamamen 15,885 barrel munaı jáne 1,4 trln m3 gazdy quraıdy.
Budan bólek, qazaqstandyq munaıdy syrtqy naryqtarǵa tasymaldaýda sheshýshi ról atqaratyn Kaspıı qubyr konsorsıýmynyń munaı qubyrynyń turaqty jáne úzdiksiz jumysyn qamtamasyz etý máseleleri qaraldy.
Kezdesý sońynda taraptar seriktestikti nyǵaıtýǵa jáne iri ınvestısııalyq jobalardy iske asyrýǵa baǵyttalǵan ashyq jáne syndarly dıalogqa daıyn ekendikterin jetkizdi.
