Byltyr salynǵan jańa mektepte 48 oqý kabıneti bar: 6 ınformatıka kabıneti, 6 mýltımedııalyq kabınet, 6 pándik kabınet (hımııa, fızıka, bıologııa), robototehnıka kabıneti, grafıka jáne modeldeý kabıneti, tokarlyq-slesarlyq sheberhana, qysh buıymdar jasaý kabıneti, aspazdyq kabıneti, tigin kabıneti jáne t.b. Mektepte 280 adamǵa arnalǵan akt zaly jáne 420 oryndyq ashana bar.
«2024 jyly qazan aıynda «KAZ Minerals» kompanııasynyń kómegimen jańa ǵımarattyń qurylysy aıaqtalyp, 4 qarashadan bilim ordasy ashyldy. Munda ınformatıka, robototehnıka, jasandy ıntellekt pánderine basymdylyq berilip, tereńdetip oqytady. Jańa salynǵan mektep Semeı qalasyndaǵy eń iri zamanaýı jabdyqtalǵan mektepterdiń biri. Qazirgi tańda bul mektepte 2 000 oqýshy bilim alyp jatyr. Búgin de bilikti ustazdar men bilimdi shákirtter qatary tolyǵyp, túrli salada jetistikterge jetip, mekteptiń bedelin kóterýde. Bıyl mektepte alǵashqy túrekterimiz úlken ómirge qanat qaqty», deıdi mektep dırektory Aıjan Qýanyshbaeva.
Sonymen qatar mektepte bir úlken sport zal jáne bastaýysh synyp oqýshylaryna arnalǵan shaǵyn sport-oıyn zaly jabdyqtalǵan. Aýmaqta fýtbol, voleıbol jáne basketbol alańdary, júgirý joly, demalýǵa jáne oqýǵa arnalǵan basqa da qurylystar salyndy.
Abaı oblysy
