Qorǵaýshy túske deıingi sot otyrysynda iske tirkelgen beınejazbanyń saraptamasynda sáıkessizdikter bar ekenin alǵa tartyp, osy máselege baılanysty sarapshyny sotqa shaqyrý qajettigin aıtty. Alaıda sýdıa Erjan Januzaqov bul usynysty qabyldamaı, ótinishti qanaǵattandyrmady.
Osyǵan baılanysty advokat Jumat Ábenov sýdıaǵa senimsizdik bildirip, isti júrgizýden shettetýdi surady. Atalǵan ótinishti Almaty oblysynyń qylmystyq ister jónindegi mamandandyrylǵan aýdanaralyq sotynyń sýdıasy Asqarbek Beıimbetov qarady. Ol qorǵaýshynyń ýájderin negizsiz dep tanyp, sýdıa Januzaqovty isten shettetý týraly ótinishti qabyldamady.
Qazirgi tańda sot prosesi jalǵasyp jatyr. Qoǵam nazaryn aýdarǵan bul is boıynsha kelesi otyrysta jańa dálelder men kýágerler tyńdalýy múmkin.
