«Álemdegi ýran qorynyń 40 paıyzy Qazaqstannyń enshisinde. Sondyqtan elimiz atom energetıkasyn damytýdy ulttyq strategııanyń basym baǵyty retinde qarastyrady», deıdi Prezıdent.
Alaıda klımat daǵdarysy sheshilmeı, eshqandaı ornyqty damý bolmaıdy. Ortalyq Azııa – planetadaǵy klımat ózgeristerine osal óńirlerdiń biri. Munda ǵalamdyq jylyný deńgeıi álemdegi ortasha kórsetkishpen salystyrǵanda eki ese joǵary.
«Atalǵan qıyndyqtardy eńserý úshin óńirlik turǵydan úılestirilgen, pragmatıkalyq baǵyttaǵy klımat kún tártibin ilgeriletýge beıilmiz. Onyń aıasynda elimiz birqatar halyqaralyq uıymǵa múshe bolyp, kelisimderge qosyldy. Kelesi jyly Qazaqstan BUU-men birge О́ńirlik ekologııalyq sammıtin ótkizedi. Bul alań Ortalyq Azııa elderiniń strategııasyn jahandyq maqsatpen ushtastyrýdy kózdeıdi», deıdi Memleket basshysy.
Prezıdent eki aı buryn BUU Bas Assambleıasy Almatyda Ortalyq Azııa men Aýǵanstan úshin Ornyqty damý maqsattary jónindegi BUU-nyń aımaqtyq ortalyǵyn qurý týraly qarardy resmı túrde qabyldaǵanyn eske salyp ótti.
«Bul – bizdiń kópjaqty damýǵa úles qosqan mańyzdy jetistigimiz. Atalǵan ortalyq birlesken jobalarǵa qoldaý kórsetip, tehnıkalyq saraptamalardy qamtamasyz etedi jáne halyqaralyq yntymaqtastyqty úılestiredi», deıdi Q.Toqaev.
