Sheteldik BAQ qaıǵyly oqıǵa týraly naýryz aıynyń sońynda habar taratqan bolatyn.
Mınıstrliktiń resmı ókili Aıbek Smadııarovtyń aıtýynsha, qaıǵyly jaǵdaı shamamen bir jarym aı buryn oryn alǵan. Jigitter avtojolda joǵary jyldamdyqpen kele jatyp, kólik baǵanǵa soǵylyp, oqıǵa ornynda til tartpaı ketken.
«Tórt otandasymyz sol jerde qaza tapty. Konsýlymyz marqumdardyń týystaryna jan-jaqty kómek kórsetti, qajetti túsindirmeler berildi», dedi Smadııarov mınıstrlikte ótken brıfıng barysynda.
Qaza bolǵan azamattar Ońtústik Koreıada ártúrli maqsatpen bolǵan: biri – stýdent, ózgeleri jumys istep júrgen.
Aıta keteıik, Qazaqstannyń tórt azamaty Ońtústik Koreıada Kengıdo shtatynyń Hvason qalasynda jol apatynan qaza tapqany habarlanǵan edi.
