Taraptar keıingi jyldary Qazaqstan – Oman qatynastarynyń belsendi túrde damyp kele jatqanyn atap ótti. Serik Jumanǵarın Qazaqstan Oman Sultandyǵyn Taıaý Shyǵystaǵy mańyzdy jáne senimdi áriptes retinde qarastyratynyn erekshe atap ótti.
Oman qarjy mınıstri óz kezeginde Oman 1992 jyly Kaspıı qubyr konsorsıýmyn (KQK) qurý jónindegi jobaǵa qatysqan kezden bastap táýelsiz Qazaqstan ekonomıkasyndaǵy alǵashqy ınvestordyń biri bolǵanyn eske aldy. Ol óz eliniń ınvestısııalyq yntymaqtastyqty odan ári damytýǵa múddeli ekenin maquldap, sondaı-aq Qazaqstannan ınvestısııa qabyldaýǵa daıyn ekenin bildirdi.
Kelissózde kólik-logıstıkalyq ózara is-qımyl máselesine erekshe nazar aýdaryldy. Omannyń strategııalyq geografııalyq jaǵdaıyn, onyń Taıaý Shyǵystaǵy iri logıstıkalyq habqa aınalý josparyn eskere otyryp, Qazaqstan tarapy Iran aýmaǵy arqyly «Qazaqstan – Oman» jańa halyqaralyq kólik dálizin qurý múmkindigin qarastyrýdy usyndy. Bastamany egjeı-tegjeıli pysyqtaý maqsatynda Qazaqstan, Oman jáne Iran sarapshylarynyń qatysýymen úsh jaqty jumys toby qurylýǵa tıis.
Budan basqa, tranzıttik tasymal kólemin ulǵaıtý jáne «Soltústik – Ońtústik» halyqaralyq kólik dáliziniń ınfraqurylymyn birlesip damytý jumysynyń keleshegi talqylandy.
Búginde Omannyń Qazaqstan ekonomıkasyna salǵan ınvestısııasynyń jıyntyq kólemi – 253 mln dollar. Bul rette qos tarap ekijaqty áriptestiktiń bolashaǵy bul kórsetkishten edáýir asyp túsetinin atap ótti.
«Oman ınvestısııalyq bankiniń 500 mln dollar kóleminde qarjy salatyn birlesken ınvestısııalyq qor qurý jónindegi bastamasy bizdiń zor qyzyǵýshylyǵymyzdy týǵyzdy. Qazaqstan Úkimeti salyqtyq preferensııalarǵa, ındýstrııalyq aımaqtarǵa qol jetkizýmen ınfraqurylymdyq qoldaý kórsete otyryp, jańa ınvestorlardy tartýǵa jaǵdaı jasaýǵa daıyn», dep atap ótti S.Jumanǵarın.
Qazaqstan tarapy da energetıka, taý-ken metallýrgııa ónerkásibi, AО́K, farmasevtıka men saýda sııaqty keleshegi zor salalarda yntymaqtastyqty arttyrýǵa múddeli. Oman óz tarapynan logıstıkalyq áriptestikke degen senimi joǵary ekenin atap kórsetip, Sultandyqtyń ınfraqurylymy iri júk qabyldaýǵa jáne aýystyryp tıeýge tolyq daıyn ekenin málimdedi. Qazaqstan astyǵyn jetkizýge muqııat nazar aýdaryldy. Oman sultandyqqa astyq jetkizýge qyzyǵýshylyq bildirip, Taıaý Shyǵystaǵy astyq eksportyn taratý haby bolýǵa daıyn ekenin málim-dedi.
Kezdesý sońynda taraptar bastamalardy saraptamalyq deńgeıde talqylaýǵa ýaǵdalasty. Talqylanǵan salalarda shyn mánindegi yntymaqtastyqqa ázir ekenin jetkizdi.
