Foto: gov.kz
Búginde Tobyl qalasynda halyqtyń 87,9%-y ortalyqtandyrylǵan sý júıesine qosylǵan. Bul kórsetkishti 100%-ǵa jetkizý úshin qalada uzyndyǵy 100 shaqyrymnan asatyn sý qubyry jelileriniń qurylysy bastalǵan. Úkimet bul maqsatqa qordan 1,4 mlrd teńge bólip otyr.
Sondaı-aq Arqalyq qalasyna sý qubyryn tartýǵa 872 mln teńge bólingen. Joba 13 myńnan astam turǵyny bar qalany aýyz sýmen tolyq qamtamasyz etip, 2025 jyldyń sońyna deıin sýmen qamtý deńgeıin 96,5%-dan 100%-ǵa jetkizýge múmkindik beredi.
Sonymen qatar Qarabalyq, Denısov, Qostanaı, Fedorov, Beıimbet Maılın aýdandary aýyldarynda, sondaı-aq Arqalyq qalasyndaǵy Jastar aýylynda jalpy quny 3 mlrd teńgeden asatyn sý qubyry jelilerin tartý josparlanyp otyr.
О́nerkásip jáne qurylys mınıstrliginiń dereginshe, qazirgi tańda ortalyqtandyrylǵan sýǵa qoljetimdilik Qostanaı qalasynda 99%-dy, al aýyldyq eldi mekenderde 90,3%-dy quraıdy.
