Foto: ashyq derekkóz
Jumabek Qaldybaev 15 jyl tájirıbesi bar kranshy maman. Marqumnyń jıeni Maqsat Jıenbekovtiń aıtýynsha, onyń artynda áıeli men eki balasy qalǵan. Týystary oqıǵaǵa qatysty tolyq aqparat alýǵa tyrysqanymen qurylys kompanııasynyń basshylyǵy olardyń suraqtaryna jaýap bermeı otyr.
«Keshe keshki saǵat 18:30-da Bostandyq aýdanynyń IIB bizge aǵamnyń qurylys alańynda qaıtys bolǵanyn habarlady. Kran qulady, biraq eshkim naqty ne bolǵanyn aıtpaıdy. Biz búgin qurylys alańyna barmaqshy boldyq, biraq kirgizbedi. Basqarýshy dırektorǵa qońyraý shaldym, ol da eshteńe aıtpady. Uıym basshylyǵy baılanysqa shyqpady. Biz tergeýdiń ashyqtyǵyn talap etemiz», deıdi Maqsat Jıenbekov.
Qazir qurylys alańy arnaıy mórmen jabylǵan. Týystarynyń málimetinshe, qaıtys bolǵan adamnyń denesi áli kúnge otbasy men jaqyndaryna berilmegen. Keıbir aqparat kózderi boıynsha, bul jerde turǵyn úı kesheniniń qurylysy júrip jatqan bolatyn.
Almaty polısııa departamentiniń habarlaýynsha, tótenshe jaǵdaı saǵat 16:00-de bolǵan. Oqıǵa boıynsha Bostandyq aýdany Polısııa bólimi qylmystyq is qozǵady. Qazirgi kezde oqıǵanyń sebebi men mán-jaılary tolyq zerttelip jatyr.
Janel TО́LEÝBEKOVA, EUÝ stýdenti
