Foto: Almaty oblysy Din isteri basqarmasynynan
Quqyq qorǵaý organdary júrgizgen jedel-izdestirý sharalary barysynda er adamnyń dinı arazdyqty qozdyrýǵa baǵyttalǵan ınternettegi jarııalanymdardy taratqany anyqtaldy. Basqarma málimetinshe, kúdikti buryn terrorıstik áreket úshin sottalǵan. Alaıda jazasyn ótegennen keıin de destrýktıvti seniminen bas tartpaı, zańsyz áreketterin jalǵastyrǵan.
Qazir oǵan Qylmystyq kodekstiń 174-baby 1-bóligi – «áleýmettik, ulttyq, rýlyq, násildik, taptyq nemese dinı arazdyqty qozdyrý» boıynsha sotqa deıingi tergeý bastaldy. Bul bap boıynsha jeti jylǵa deıin bas bostandyǵynan aıyrý jazasy qarastyrylǵan.
Is boıynsha barlyq qajetti tergeý jáne jedel is-sharalar júrgizilýde.
Basqarma azamattardy radıkalızmniń kez kelgen kórinisterine beı-jaı qaramaýǵa jáne kúmándi dinı mazmundaǵy materıaldar jaıly quzyrly organdarǵa habarlaýǵa shaqyrady.
Janel TО́LEÝBEKOVA, EUÝ stýdenti
