«Naıza-Antıterror-2025» jospary boıynsha Ulttyq qaýipsizdik komıtetiniń Terrorızmge qarsy ortalyǵy uıymdastyryp jatqan is-sharanyń maqsaty – terrorıstik sıpattaǵy qaterler týyndaǵan jaǵdaıda memlekettik organdardyń áreket etý jáne ózara is-qımyl jasaý daǵdylaryn jetildirý, sondaı-aq terrorızm aktisiniń saldaryn barynsha azaıtý jáne joıý.
«Oqý-jattyǵý aıasynda arnaıy tehnıka, quqyq qorǵaý jáne arnaıy organdardyń ártúrli bólimsheleriniń kúshteri men quraldary jumyldyrylatyn bolady. Is-sharalardyń ótkizilýine baılanysty qalanyń jekelegen kóshelerinde avtokólik qozǵalysy ýaqytsha shekteledi. Qala turǵyndary men qonaqtaryn tynyshtyq saqtaýǵa, memlekettik organdar qyzmetkerleriniń zańdy talaptaryn oryndaýǵa jáne tek resmı aqparat kózderine senýge shaqyramyz», dep habarlaıdy Terrorızmge qarsy kúres jónindegi respýblıkalyq jedel shtabynyń ókilderi.
Shtab ókilderi ótip jatqan taktıkalyq oqý-jattyǵýǵa qatysty qandaı da bir jalǵan aqparat taratqan azamattardyń qylmystyq jaýapkershilikke tartylatynyn eskertedi.
Qostanaı oblysy
