Shaǵyn jáne keńeıtilgen quramda saýda-ekonomıkalyq yntymaqtastyqty damytý, aýyr jáne jeńil ónerkásip salasyndaǵy ózara is-qımyl, avıasııalyq qatynas, uıymǵa múshe memleketterdiń áýe qozǵalysyn uıymdastyrý máseleleri qaraldy. Keńes jumysy aıasynda Tájikstan Prezıdenti Emomalı Rahmonnyń delegasııa basshylarymen ujymdyq kezdesýi ótti.
Keńes otyrysynda Oljas Bektenov Qazaqstannyń uıymdy odan ári damytýǵa ári onyń áleýetin nyǵaıtýǵa járdemdesýge nıetti ekenin atap ótti.
«Yntymaqtastyqtyń qalyptasqan tetikteriniń, elder kóshbasshylarynyń saıası erik-jigeri men úkimetteriniń kúsh-jigeri nátıjesinde TMD keńistiginde ornyqty damý men dáıekti ekonomıkalyq ósý qamtamasyz etilip keledi. Buǵan ótken jyldyń qorytyndysy boıynsha TMD elderiniń jalpy IJО́ kóleminiń 4,5%-ǵa artýy dálel. О́zara saýda-sattyq turaqty ósip keledi. Byltyr Qazaqstannyń TMD elderimen taýar aınalymy 1,2%-ǵa ósip, 37,3 mlrd dollarǵa jetti. Bul kórsetkishter ekonomıkalyq baılanystardyń turaqtylyǵyn ǵana emes, sonymen qatar bizdiń ekonomıkalarymyz arasyndaǵy ózara tolyqtyrýdyń joǵary deńgeıin kórsetedi», dep atap ótti O.Bektenov.
Jıynda elektrondy saýda salasyndaǵy ózara is-qımylǵa nazar aýdaryldy. Qazaqstanda ótken jyly e-commerce kólemi 6,2 mlrd dollardy qurady. TMD-da elektrondy saýda áleýetin tolyqqandy iske asyrý úshin ınfraqurylymdyq bazany damytý, bıznesti qoldaý, tutyný quqyqtaryn qorǵaý tetikterin jetildirý syndy keshendi tásilderdiń qajettigi atap ótildi.
Kólik-tranzıttik ınfraqurylym salasyndaǵy yntymaqtastyq sheńberinde Qazaqstan aýmaǵynda iske asyrylatyn asa mańyzdy jobalar atap ótildi. Bul – 2027 jylǵa qaraı dálizdiń ótkizý qabiletin eki esege arttyrýǵa, Transkaspıı halyqaralyq kólik baǵyty negizgi býyny retinde Transqazaqstandyq temirjol dálizin keńeıtýge, Astanany elimizdiń batys óńirlerimen jáne halyqaralyq baǵyttarmen baılanystyratyn «Ortalyq – Batys» kúre jolyn salýǵa baǵyttalǵan «Soltústik – Ońtústik» shyǵys baǵytyn damytý jónindegi keshendi jol kartasy. Atalǵan jobalar – Qazaqstan Prezıdentiniń TMD-ǵa múshe memleketterdiń aýmaǵy arqyly ótetin kúre joldardy ózara ushtastyrý tujyrymdamasyn qalyptastyrý jónindegi bastamasyn iske asyrýda mańyzdy faktor.
Elderdiń básekege qabilettiligin anyqtaıtyn strategııalyq sala – aýyr mashına jasaý. Qazaqstannyń TMD elderiniń seriktesterimen yntymaqtastyǵyn damytý keleshegi atap ótildi. Jeńil ónerkásip salasynda kooperasııany tereńdetý, birlesken óndiristik jobalar men klasterlerdi qoldaý mańyzdy.
Sıfrlyq saladaǵy ozyq sheshimdermen tájirıbe almasý boıynsha yntymaqtastyqty nyǵaıtýǵa basa nazar aýdarylýda. Qazaqstanda qurylyp jatqan Alem AI halyqaralyq jasandy ıntellekt ortalyǵy densaýlyq saqtaý, bilim berý, memlekettik basqarý, ónerkásip jáne taǵy basqa salalarǵa JI engizýdi jedeldetýge múmkindik beredi. Memleketterdiń ýákiletti qurylymdarynyń kıberqaýipsizdik jáne transulttyq sıpattaǵy alaıaqtyq árekettermen kúres salasyndaǵy ózara is-qımylyn jandandyrý qajettigi atap ótildi.
Otyrys sońynda TMD memleketteri arasyndaǵy aýyr mashına jasaý salalaryn damytýdaǵy yntymaqtastyq týraly kelisim, Jeńil ónerkásip salasyndaǵy yntymaqtastyqty damytý tujyrymdamasy, TMD elderiniń áýe qozǵalysyn uıymdastyrýdyń ulttyq júıelerin úılestirý tujyrymdamasy, Halyqtyń densaýlyǵyn saqtaý salasyndaǵy yntymaqtastyq tujyrymdamasy sııaqty jáne basqa da birqatar qujatqa qol qoıyldy.
Táýelsiz Memleketter Dostastyǵy uıymyna múshe elder úkimetteri basshylary keńesiniń kelesi otyrysy 2025 jyldyń qyrkúıek aıynda Mınskide ótedi.
