ELBASY QABYLDADY

Memleket basshysy Nursultan Nazarbaev BUU Bas hatshysynyń orynbasary, BUU Eýropalyq ekono­mıkalyq komıssııasynyń atqarýshy hatshysy Iаn Kýbıshti qa­byldady, dep habarlady Qazaq­stan Respýb­lı­ka­sy Prezıdentiniń baspasóz qyzmeti. Áńgimelesý barysynda eki jaq­ty yntymaqtastyqtyń máseleleri talqylandy. – Biz Qazaqstannyń EQYU-ǵa tóraǵalyǵynyń nátıjelerin oń baǵalaımyz. Elińiz bul turǵydan al­ǵanda úlken tabystarǵa qol jet­kiz­di dep esepteımin. Biz Prezıdent N.Á.Nazarbaevtyń Qyrǵyzstandaǵy ahýaldy retteýdegi mańyzdy róline erekshe razymyz, – dedi Iа.Kýbısh. *  *  * Memleket basshysy Nursultan Nazarbaev “Heenan Blaikie” zań kor­porasııasynyń keńesshisi, Kanada­nyń burynǵy Premer-mı­nıstri Jan Kretendi qabyldady, dep habarlady Qazaqstan Res­pýb­lı­kasy Prezıdentiniń baspasóz qyzmeti. Kezdesý kezinde eki jaqty yn­ty­maqtastyqtyń máseleleri ta­l­qylandy. – Qazaqstan men Kanada tek ózderiniń strategııalyq baǵyttary jaǵynan ǵana emes, sondaı-aq ba­tys elderinde jalǵasyp jatqan daǵ­darys kezeńindegi ekonomıkalyq tabystary jaǵynan da uqsas. EO jáne AQSh qazaqstandyq eko­no­mı­ka­nyń 8 paıyzdyq ósimine tek qyzyǵýshylyq tanytady. Men bul ósim Prezıdent N.Á.Nazarbaevtyń aqyl-oıǵa qurylǵan ekonomıkalyq strategııasynyń arqasynda bolyp otyr dep esepteımin, – dedi J.Kreten. *  *  * Memleket basshysy Nursultan Nazarbaev Islam Damý bankiniń pre­­zıdenti Ahmad Mohammed Alı Ál-Madanıdi qabyldady, dep ha­barlady Qazaqstan Respýblıkasy Prezıdentiniń baspasóz qyzmeti. Áńgimelesý barysynda eki jaq­ty yntymaqtastyqtyń máseleleri talqylandy. – Men úshin Nursultan Nazar­baev­pen kezdesý jáne ony aldaǵy Elorda kúnimen quttyqtaý úlken qur­met. Men Qazaqstannyń astana­sy qandaı qýatty qarqynmen da­myp kele jatqanyn, eldiń ekono­mı­kasynyń arta túskenin kórip otyr­myn. Buǵan Prezıdent N.Á.Na­zarbaevtyń saıasatynyń nátıjesinde qol jetip otyr. Biz Qazaqstannyń kelesi jyly Islam Konferensııasy Uıymynyń tór­aǵasy bolatynyna qýanyshtymyz. Bul Qazaqstan men ıslam elderiniń arasyndaǵy yntymaqtastyqtyń odan ári damýyna kómektesetin bolady, – dedi A.Ál-Madanı. *  *  * Memleket basshysy Nursultan Nazarbaev Azııa Damý bankiniń vıse-prezıdenti Shao Jaony qa­byldady, dep habarlady Qazaq­stan Res­pýblıkasy Prezıdentiniń baspasóz qyzmeti. Kezdesý kezinde eki jaqty yn­ty­maqtastyqtyń máseleleri tal­qylandy. – Azııa Damý banki atynan men Prezıdent N.Á.Nazarbaevty daǵdarystyq kezeńnen keıingi eldegi tabystarymen jáne álemdegi qolaısyz qarjylyq jaǵdaıǵa qaramastan jedel ekonomıkalyq ósimge qol jetkizgendigimen qut­tyq­tadym. Men Prezıdentke Azııa Damý bankiniń Qazaqstanmen birlesken yntymaqtastyq boıynsha ne istep jatqanyn baıandadym. Bıylǵy jyly biz jol qurylysy salasy men shaǵyn jáne orta bıznesti qoldaýda birqatar joba­lar­dy qarjylandyrý úshin 1 mıl­lıardtan astam dollar bólýdi jos­parlap otyrmyz. Biz Qazaqstanmen yntymaqtastyq tabysty bola­ty­nyna senimdimiz, – dedi Sh.Jao. *  *  * Memleket basshysy Nursultan Nazarbaev EýrAzEQ-tyń Bas hatshysy Taıyr Mansurovty qa­byldady, dep habarlady Qazaq­stan Respýblıkasy Prezıdentiniń baspasóz qyzmeti. T.Mansurov Prezıdentke bı­ylǵy jyly 5 shildede Astanada óte­tin EýrAzEQ-tyń Memleket­ara­lyq keńesiniń otyrysyn ótkizýge daıyndyǵy jáne EýrAzEQ-tyń Memleketaralyq keńesi (Kedendik odaqtyń joǵary organy) týraly habarlady. Bul otyrysta Kedendik odaqtyń Kedendik kodeksiniń kúshine enýi jáne Kedendik odaq má­selelerin qaraý jónindegi ókilet­tigi keńeıtiletin EýrAzEQ sottary mártebesiniń jańa redaksııasy jó­ninde mańyzdy qujattar qabylda­natyn bolady. EýrAzEQ-tyń Bas hatshysy sondaı-aq Nursultan Nazarbaevqa EýrAzEQ-tyń Memleketaralyq ke­ńesiniń tóraǵasy retinde Eýrazııa­lyq ekonomıkalyq qaýymdas­tyq­tyń 10 jyldyǵyna baılanysty EýrAzEQ-qa múshe memleketter basshylary málimdemesiniń mátini barlyq taraptarmen kelisilgenin málimdedi. Áńgimelesý barysynda sondaı-aq alda ótetin EýrAzEQ-tyń Mem­leketaralyq keńesi otyrysynyń kún tártibi talqylandy.