Foto: QR Qorǵanys mınıstrligi
Jıynǵa IT-ındýstrııa ókilderi, tehnologııalyq kásipkerler jáne sandyq derekter men kompıýterlik júıelerdi zııandy baǵdarlamalardan qorǵaýmen aınalysatyn kompanııalar qatysty.
Kezdesý barysynda Qarýly Kúshterdiń kıberqaýipsizdik keńesin qurý jáne Qorǵanys mınıstrliginiń kıberqaýymdastyqpen ózara árekettestik jol kartasyn ázirleý máseleleri talqylandy.
«Jýyrda Qorǵanys mınıstrliginiń basshylyq quramymen ótken keńeste Prezıdent Qarýly Kúshterdi sıfrlandyrý jáne jasandy ıntellektini qoldaný qajettigin atap ótti. Osyǵan baılanysty kıberqaýipsizdik máseleleri erekshe ózektilikke ıe bolyp otyr. Búgingi sharanyń basty maqsaty – aqparattyq qaýipsizdik salasyndaǵy yntymaqtastyqty jolǵa qoıý boıynsha sizderdiń usynystaryńyzdy tyńdaý», dedi Qorǵanys mınıstriniń orynbasary D. Ahmedıev.
Qazirgi tańda Qorǵanys mınıstrliginde bul máselelerge erekshe kóńil bólingen. JOO-larmen jáne tehnologııalyq kompanııalarmen tyǵyz baılanys ornatylǵan, hakatondar men kıberjattyǵýlar ótkizilip, daǵdarys jaǵdaılaryndaǵy shabýyldardy toıtarý ssenarııleri pysyqtalyp jatyr.
Jıynda qatysýshylar óz jobalaryn tanystyrdy. Mysaly, iBatyr kompanııasynyń mamany Vıtalıı Lı derekterdiń syrtqa shyǵýyna qarsy is-qımyl jobasyn tanystyrdy. Al MSSP Global ókili Medet Týrın sıfrlyq keńistiktegi kıbergıgıena máselelerin qozǵady.
Kezdesýde aıtylǵan usynystar men pikirler muqııat zerttelip, Qorǵanys mınıstrligi men kıberqaýymdastyq arasyndaǵy ózara is-qımyldyń jol kartasyn ázirleý kezinde eskeriletin boldy.
Araılym MYRZAHAN,
EUÝ 2 kýrs stýdenti
