Is-sharaǵa Qazaqstan Respýblıkasynyń Mádenıet jáne aqparat vıse-mınıstri Aıbek Sydyqov, Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııasynyń músheleri, Qazaqstan Respýblıkasy Parlamenti Májilisiniń depýtaty Juldyz Súleımenova jáne «NazymPR» JShS dırektory Nazym Janǵazınova, «Ákeler Odaǵy» RQB tóraǵasy Maqsutbek Aıtmaǵanbet, IýNFPA-nyń Qazaqstandaǵy ókili Chınve Ogbonna, respýblıkalyq Ákeler odaǵynyń óńirlik ókilderi, zııaly qaýym ókilderi, otbasylyq saıasat salasynyń sarapshylary, memlekettik organdardyń, halyqaralyq uıymdardyń, úkimettik emes uıymdardyń ókilderi — jalpy 200-ge jýyq adam qatysty.
Bıylǵy forýmda dástúrli túrde ata-ana bolý, bala tárbıesi, olardyń qaýipsizdigi men densaýlyǵy jáne barlyq otbasy músheleriniń psıhıkalyq densaýlyǵy sekildi mańyzdy máseleler kóterildi. Kezdesý taqyryptary Memleket basshysy Ulttyq quryltaı otyrysynda aıqyndap bergen baǵyttar negizinde belgilendi.
«Tárbıesiz berilgen bilim – adamzattyń qas jaýy». Sondyqtan bilimmen qatar tárbıege aıryqsha nazar aýdarý óte mańyzdy», – dedi Qasym-Jomart Toqaev Býrabaıda sóılegen sózinde.
10 jyl qatarynan forým ata-analardy, tárbıeshilerdi, psıhologtar men sarapshylardy biriktire otyryp, tájirıbe, bilim jáne ozyq tájirıbelermen almasý alańy retinde qyzmet etip keledi. Olardyń ortaq maqsaty – qaýipsiz, otbasylyq úılesimdi ortada, zorlyq-zombylyqsyz jáne ómirlik baǵyty túzý jańa urpaqty qalyptastyrý.
Forýmda «HHI ǵasyr ákesi: áreketke shaqyrý» Deklarasııasy qabyldandy.
Qujatta HHI ǵasyrda áke bolý tek mindet emes, sonymen qatar alǵashqy kúnderden bastap balanyń ómirine belsendi aralasyp, qamqorlyq pen jaýapkershilikti bólisetin múmkindik retinde qarastyrylady.
Deklarasııa sonymen qatar HHI ǵasyrdaǵy ákeniń qundylyqtaryn anyqtaıdy. Atap aıtsaq súıispenshilik, qamqorlyq pen qurmet kórsetetin, balany tárbıeleýge, bilim berýge jáne damytýǵa belsendi aralasatyn, zorlyq-zombylyqsyz ortanyń qalyptasýyna yqpal etetin, áıelder quqyǵyn qurmetteıtin jáne genderlik teńdikti saqtaıtyn, óziniń psıhıkalyq jáne fızıkalyq densaýlyǵyn kútetin, úıdegi mindetter men turmystyq jaýapkershilikti bólisetin adam, sonymen qatar óskeleń urpaqqa úlgi bola alatyn tulǵa.
Sondaı-aq qujatta 2030 jylǵa deıin ata-ana tárbıesi, reprodýktıvti jáne psıhıkalyq densaýlyq baǵdarlamalaryna erlerdiń qatysýyn arttyrýǵa, búkil el boıynsha ákeler klýbtary men qoǵamdastyqtaryn qurýǵa jáne qoldaýǵa baǵyttalǵan mindettemeler kiredi.
