Is-shara saǵat 10:00-de bastaldy. Alǵashqy bólimde oqýshylar jaz boıy meńgergen daǵdylaryn kórsetip, túrli baǵyttaǵy jobalaryn tanystyrdy. Baǵdarlama aıasynda balalar baǵdarlamalaý negizderin, 3D modeldeýdi, saıt jasaýdy, robototehnıkany jáne basqa da sıfrlyq baǵyttardy úırengen.
Is-sharanyń ekinshi bóliginde ár mekteptiń oqýshylary jasaǵan robottar men saıttar kórmege qoıyldy. Jobalar balalardyń ózindik oılaý qabiletin, tehnıkalyq bilimin jáne shyǵarmashylyq ıkemin aıqyn kórsetti. Ár oqýshy óz jumysyn tanystyryp, ony jasaý barysyndaǵy ıdeıalarymen bólisti.
Kórme sońynan keıin oqýshylar arasynda robo-sýmo jáne dron jarystary uıymdastyryldy. Bul saıystar oqýshylardyń tehnıkalyq qurylǵylardy basqarý sheberligin jáne toppen jumys isteý qabiletterin damytýǵa baǵyttalǵan. Kórermender, ata-analar men muǵalimder bul jarystardan erekshe áser aldy.
Digital Generation IT jazǵy lageri balalardyń sıfrlyq saýattylyǵyn arttyrýǵa, shyǵarmashylyq qabiletterin damytýǵa jáne komandalyq rýh qalyptastyrýǵa baǵyttalǵan. Lager sheńberinde 3D modeldeý men zamanaýı sıfrlyq quraldar arqyly oqýshylardyń bilimge degen qyzyǵýshylyǵy men erkin oılaý daǵdysy tereńdeı tústi.
Baǵdarlamaǵa Astanadaǵy №95, 102, 107, 108, 109, 111 jáne 112 mektepterdiń oqýshylary qatysty. Aldaǵy ýaqytta osy mektepterdiń oqýshylary arasynda jańa jobalar men birlesken jarystar uıymdastyrý josparlanyp otyr.
Is-shara sońynda ata-analar men ustazdar lagerdiń mańyzdylyǵyn atap ótip, uıymdastyrýshylarǵa alǵystaryn jetkizdi. Oqýshylar bul lagerde tek bilim ǵana emes, jańa dostar, shabyt jáne bolashaqqa senim tapqanyn aıtty.
Ásel MURATBEKQYZY, Astana qalasy №112
orta mekteptiń muǵalimi
