Aǵymdaǵy jyldyń sáýir aıynan bastap «Damý» qory bazasynda Kepildik berý qorlarynyń jumysy bastaldy. Birinshi qor – 7 mlrd teńgege deıingi jobalardy, ekinshi qor – 7 mlrd teńgeden asatyn iri ınfraqurylymdyq jobalardy qoldaýǵa baǵyttalǵan. Qazirgi tańda 9 bankpen kelisimder jasalǵan.
Kepildik berý qory iske qosylǵannan beri 66,5 mlrd teńge kólemindegi nesıeler boıynsha 543 jobaǵa qoldaý kórsetildi. Onyń ishinde 35,4 mlrd teńge berilgen kepildikterdiń kólemi.
Bekitilgen jobalardyń 70%-dan astamy ınvestısııalyq maqsattarǵa baǵyttalǵan: jańa óndiristerdi iske qosý, jabdyq satyp alý jáne qurylys.
О́ńdeý ónerkásibi barlyq berilgen qaryzdardyń shamamen 33%-yn qurap otyr. Sondaı-aq, kólik-logıstıka, densaýlyq saqtaý jáne bilim berý salalarynda da joǵary suranys baıqaldy.
Jalpy alǵanda, kepildik berý quraly aıasynda 2025 jyldyń bes aıynda «Damý» qory 2 470 jobany qoldady. Bul jobalar boıynsha nesıe kólemi 325,1 mlrd teńge, al usynylǵan kepildikterdiń jalpy somasy 225,8 mlrd teńgeni qurady.
Memleket paıyzdyq mólsherlemeni sýbsıdııalaý tetiginen jeńildetilgen nesıeleýge kezeń-kezeńimen kóshýde. 2025 jyly osy baǵytqa bólinetin qarjy kólemi 750 mlrd teńgege deıin ulǵaıtyldy, bul ótken jylmen salystyrǵanda shamamen úsh ese kóp.
Atalǵan baǵyt aıasynda jańa «О́rleý» jeńildetilgen nesıeleý baǵdarlamasy iske qosyldy. Baǵdarlama boıynsha kásipkerler úshin syıaqy mólsherlemesi jyldyq 12,6%-dan aspaıdy. «О́rleý» baǵdarlamasyna qatysý úshin kásipkerler bankterge tikeleı júginýi qajet (qazirgi kezeńde bul — Freedom Bank, Bank SentrKredıt jáne Halyk Bank).
2025 jyldyń bes aıynda qoldanystaǵy jeńildetilgen nesıeleý baǵdarlamalary aıasynda 873 joba jalpy somasy 73,6 mlrd teńgege qarjylandyryldy.
Sonymen qatar, syıaqy mólsherlemesiniń bir bóligin sýbsıdııalaý quraly boıynsha 2 228 joba qoldaý taýyp, jalpy 290,7 mlrd teńge kóleminde nesıe berildi.
Jobalardyń sany men nesıe kólemi boıynsha eń kóp qoldaý kórsetilgen salalar - aýyl sharýashylyǵy, óńdeý ónerkásibi jáne saýda.
