Qazaqtyń jekpe-jek sport ónerin nasıhattaý, álemdik deńgeıde mártebesin kóterý, jastar arasynda nashaqorlyqqa qarsy daǵdyny qalyptastyra otyryp qylmys pen quqyq buzýshylyqtardyń aldyn alý maqsatynda ótken jarystyń ashylý saltanatynda Jetisaı aýdanynyń ákimi Serik Mamytov, Keńes odaǵyna eńbegi sińgen sport sheberi, Dúnıejúzilik jekpe-jek qaýymdastyǵynyń prezıdenti Sabyrjan Mahmetov pen Qazaqstan Respýblıkasy jekpe-jek ulttyq sport federasııasynyń prezıdenti Erjan Baıjumaev qatysyp, sportshylarǵa sáttilik tiledi.
Áskerı-jaýyngerlik ónerimen qosa sporttyń barlyq túrlerin bir ortaǵa toǵystyrǵan chempıonatta komandalyq esepte júldeli III oryndy Shymkent qalasynyń sportshylary ıelense, II orynǵa Abaı oblysynyń quramasy kóterildi. Al, Túrkistan oblysynyń quramasy jeńimpaz atandy. Barlyq jeńimpazdar arnaıy belbeýlermen, dıplomdarmen jáne medaldarmen, demeýshiler esebinen arnaıy baǵaly syılyqtarmen marapattaldy.
