Syrtqy ister mınıstrligi baspasóz qyzmetiniń málimetinshe, jıynǵa amerıkalyq transulttyq korporasııalar, ınvestısııalyq qorlar men elimizdiń memlekettik organdarynyń ókilderi qatysty. Kezdesý barysynda ınvestısııalyq seriktestiktiń basym baǵyttary, onyń ishinde shıkizattyq emes sektorlardy damytý, ornyqty ósý tehnologııalary, ınfraqurylym jáne óndiristi jergiliktendirý máseleleri talqylanǵan.
Jalpy, AQSh – elimizdiń ekonomıkasyna 62 mlrd dollardan asa tikeleı ınvestısııa salǵan iri ınvestor. Osy oraıda Syrtqy ister mınıstrligi Investısııalar komıtetiniń tóraǵasy Ǵabıdolla Ospanqulov AQSh bıznesiniń elimizge degen qyzyǵýshylyǵy artyp kele jatqanyn atap ótti: «AQSh – bizdiń negizgi strategııalyq seriktesimiz. Búginde otandyq naryqta iri amerıkalyq kompanııalar tabysty jumys istep jatyr jáne olardyń qataryn keńeıtýge múddelimiz. Biz tek kapıtal tartýǵa emes, birlesken óndiristerdi iske qosýǵa, ozyq tehnologııalardy engizýge jáne jańa eksporttyq taýarlardy damytýǵa umtylamyz. Osy kezdesý jańa jobalarǵa qosymsha serpin beredi dep senemiz».
Sondaı-aq sapar aıasynda AQSh Saýda palatasynyń Taıaý Shyǵys, Túrkııa jáne Qazaqstan boıynsha vıse-prezıdenti Djennıfer Mılmen kezdesý ótti. Taraptar Qazaqstan men AQSh arasyndaǵy iskerlik seriktestiktiń qazirgi jaı-kúıin jáne qazaqstandyq-amerıkalyq iskerlik keńes aıasyndaǵy ózara is-qımyldy keńeıtý joldaryn talqylady. Ásirese elimizdiń amerıkalyq bıznes qaýymdastyǵy arasynda tanymaldylyǵyn arttyrý jáne naqty ınvestısııalyq bastamalardy iske asyrý máselelerine basa nazar aýdaryldy.
Buǵan qosa komıtet basshysy «Jones Equity Fund», «Heeney Capital», «Honeywell», «IG Global», «Amazon Kuiper», «Jennmar» jáne basqa da kompanııalar ókilderimen birqatar ekijaqty kezdesý ótkizdi. El tarapy jobalardy tolyq súıemeldeýge, sonyń ishinde ákimshilik qoldaý kórsetýge, memlekettik qoldaý sharalaryna jáne jergilikti seriktesterdi izdeýge daıyn ekenin jetkizdi.
Kámshat TО́LEGENOVA,
L.N.Gýmılev atyndaǵy EUÝ-dyń 2-kýrs stýdenti
