Foto: Sý resýrstary jáne ırrıgasııa mınıstrligi
Eske salaıyq, Qazaqstan men Qytaıdyń sý vedomstvolary bıyl naýryz aıynda alǵash ret ózara túsinistik pen yntymaqtastyq týraly Memorandýmǵa qol qoıǵan. Qujat sý resýrstaryn tıimdi ári turaqty paıdalaný, zamanaýı tehnologııalardy engizý, balamaly sý kózderin bólý men ıgerý, tájirıbe almasý jáne birlesip mamandar daıarlaý sııaqty baǵyttarda ekijaqty yntymaqtastyqty nyǵaıtýdy kózdeıdi. Sonymen qosa, mamyr aıynyń sońynda sý mınıstrliginiń basshysy Nurjan Nurjigitov Power China bas dırektory Van Bınmen kezdeskeni málim.
«Biz taǵylymdamalar men bilim berý baǵdarlamalaryn birlesip ázirleý, sondaı-aq bilim, tájirıbe jáne tehnologııalarmen almasý bastamalaryn talqylaýǵa daıynbyz. Eki el arasyndaǵy tyǵyz yntymaqtastyq Qazaqstannyń sý salasyndaǵy kadrlyq áleýetin damytýǵa septigin tıgizedi dep senemin. Sonymen qatar bul strategııalyq áriptestigimizdi de nyǵaıta túsedi», dedi N.Nurjigitov.
