Baıqaýdyń qorytyndy kezeńi aqynnyń týǵan jeri – Almaty oblysy Raıymbek aýdanynyń Qarasaz aýylynda ótti. Qatysýshylar Maqataevtyń óleńderin naqyshyna keltire oqydy. Qazylar alqasy kórnekilikti, sahnalyq mádenıetti jáne kórkem oqýdy baǵalady.
Baıqaý qorytyndysy boıynsha «Jyr estafetasy» nomınasııasy boıynsha Gran-prı №61 Qaraǵandy orta mektebiniń 11 synyp oqýshysy Alına Naýryzbaevaǵa buıyrdy.
Onyń tálimgeri – qazaq tili men ádebıeti pániniń muǵalimi Dıdar Tórekeldına. Bul muǵalim úshin osyndaı baıqaýlardaǵy 45-shi, al Alına úshin 12-shi jeńis.
– Qatysýshylar Muqaǵalı Maqataevtyń «Aqqýlar uıyqtaǵanda», «Raıymbek, Raıymbek» jáne «Altaı – Atyraý» atty úsh iri poemalarynan úzindilerdi (jalpy alǵanda 40 betten turatyn) múdirmeı jatqa oqýy tıis boldy. Baıqaý estafeta túrinde ótti: bireýi bastasa, ekinshisi jalǵastyrady. Eń bastysy – kidirmeı, sózderdi shatastyryp almaý kerek, – deıdi úsh jyl qatarynan oqýshylary osy baıqaýda úzdik bolǵan pedagog.
Qazir túlek UBT tapsyrýǵa daıyndyq ústinde. Ol tálimgeri sııaqty qazaq tili men ádebıetiniń muǵalimi bolǵysy keledi.
Taǵy bir júldeli orynǵa Jambyl atyndaǵy mekteptiń oqýshysy Gaýhar Baqytbek ıe bolyp, «Aıtyp ótken aqynda arman bar ma?» nomınasııasynda qola júldege ıe boldy. Mektep oqýshysyn baıqaýǵa pedagog Sana Razbekova daıyndady.
Jeńimpazdar dıplomdarmen jáne aqshalaı sertıfıkattarmen marapattaldy.
Qaraǵandy oblysy
