Abaı shaı ishken kese

Abaıdyń 1885 jyly ólketaný mýzeıine óz qolymen tapsyrǵan zattarynyń biri – qytaı kesesi. Aqshyl kógildir tústi kese syrtyna kók tústi oıý-órnek salynǵan. Kese jasalǵan farfordyń sapasy asa joǵary emes, ony far­fordyń qalyńdyǵynan anyq­taýǵa bolady jáne keseniń ishki jaǵynda qara daqtar bar. 1940 jyly Semeı qalasynda Abaı mýzeıin ashý týraly arnaıy qaýly shyqqannan bastap mýzeı qoryna uly aqynǵa qatysty eksponattar jınaý jumysy júripti. Aqynnyń týystary jáne urpaqtary qoldanǵan zattar Abaı mýzeıine túsedi. Kó­ne­niń kózindeı bolǵan qundy jádiger qazir «Jı­debaı-Bórili» mem­lekettik tarı­hı-mádenı jáne ádebı-memo­rıal­dyq mýzeıinde tur.

«Abaı zamanynda farfor ydystar kórshiles Qytaı, Reseı elderinen keletin qundy zat re­tinde baǵalanypty. Olardy arnaıy aǵash qabyǵynan toqyl­ǵan ne bolmasa teriden jasal­ǵan shyny­ıaqqaptarǵa salyp saq­ta­ǵan. Qym­batqa túsken farfor, faıans ydystarynyń shetteri synsa da tas­tamaı, olardy qursaýlap jón­dep alýdy qazaq sheberleri óte jaq­sy meń­gergen», deıdi mýzeı dırektory Ulan Saǵadıev.

Bul jádigerlerge qatysty 1963 jyly «Ertis» gazetiniń 8 qyr­kúıektegi sanynda Abaı mýzeıiniń alǵashqy dırektor­larynyń biri, abaıtanýshy ǵalym Qaıym Muha­med­hanovtyń «Abaıdyń qos­qan úlesi» atty maqalasynda da uly aqynnyń 1885 jyly ólke­taný mýzeıine eksponattar tapsyr­ǵany týraly jazylǵan eken.

Abaı oblysy