«Elimizdegi shıkizat óndirýshi eń úlken kompanııanyń biri «Teńizshevroıldyń» áriptestik baılanys ornatý nıetimen Shymkentke arnaıy kelýi – qýantarlyq jaǵdaı. Osy sátti paıdalanyp munaı óndirýshi kompanııaǵa megapolıstiń kásipkerlik salasyndaǵy bar áleýetin kórsetýge tyrysamyz. Birinshi kezekte jergilikti taýar óndirýshilerdiń kórmesin uıymdastyrdyq. Oǵan qalamyzdaǵy 20-ǵa jýyq iri kásiporyn qatysyp, ónimderin qonaqtar nazaryna usyndy. «Teńizshevroıl» basshylyǵy jergilikti taýar óndirýshilerdiń ónimderimen jeke-jeke tanysyp shyqty. О́zderin qyzyqtyrǵan keıbir taýar túri boıynsha kásiporyn basshylyǵymen arnaıy suhbat júrgizdi. Jalpy, TShO delegasııasynyń Shymkentke jasaǵan sapary 3 kúnge sozylyp, tıimdi saýda-ekonomıkalyq ýaǵdalastyqqa qol jetkizdik», deıdi Shymkent qalalyq kásipkerler palatasy dırektorynyń orynbasary Baýyrjan Berdalıev.
Sapar barysynda munaı óndirýshi kompanııa ókilderi gıdravlıkalyq jáne sýasty sorǵylaryn óndiretin «Karlskrona LC AB», 25-500 MVA qýattylyǵyndaǵy transformatorlar shyǵaratyn «Asia Trafo», elektr qurylǵylaryn óndirýshi «Renaissance SHIK», maılaý materıaldaryn shyǵaratyn «HILL Corporation», mal bordaqylap, et óńdeýmen aınalysatyn «Baiterek Agro» kásiporyndaryn aralap jumystarymen tanysty.
Bul kásiporyndardyń barlyǵy joǵary tehnologııaly ónim shyǵarady. О́nimderi ishki naryqtan bólek, alys-jaqyn shetel naryǵyna da eksporttalyp jatyr. Máselen, «Karlskrona LC AB» kásiporny túrli kólemdegi sorǵylar shyǵarýmen tanymal. Ásirese onyń ónimderi munaı salasynda, ýran basqa da qazba baılyqtar shıkizaty óndirisinde keńinen paıdalanylyp júr.
Qýattylyǵy 25-500 MVA-ǵa teń transformator óndiretin «Asia Trafo» óndiris ornyn da megapolıstegi eń iri kásiporyndardyń qataryna jatqyzýǵa bolady. Eldegi joǵary kerneýli transformatorlardy tek osy kásiporyn shyǵarady. Transformatorǵa kerekti kóptegen bólshekti de ózderi jasaıtyndyqtan naǵyz otandyq ónim shyǵaratyn óndiris deýge tolyq negiz bar.
Qalalyq ákimdik pen «Munaı-gaz mashına jasaý salasyn damytýǵa arnalǵan halyqaralyq ortalyq» qaýymdastyǵy arasynda yntymaqtastyq týraly memorandým jasaldy. «HILL Corporation» kompanııasy men «Teńizshevroıl» JShS arasynda taýar jetkizýge qatysty kelisimshart bekitildi. Sonymen birge jergilikti taýar óndirýshiler «Barys-2007», «Baiterek Agro», «Intermilk Kazakhstan» kásiporyndary men «Eurasia Support Services» kompanııasy arasynda azyq-túlik ónimderin jetkizý salasyndaǵy ózara túsinistik týraly memorandýmdar túzildi.
Qoryta aıtqanda, «Teńizshevroıl» ózderine qajetti azyq-túlik pen tehnıkalyq daıyn ónimderdi Shymkentten tasymaldaımyz dep sheshti.
ShYMKENT
